Orain bost urte Leioan izandako lapurreta leporatu diote bilbotar bati
2009ko eka. 16a, 18:58
Orain egun batzuk identifikatuta izan da Bilboko herritar bat, A.S.B. inizialduna, Leioan 2004an egindako lapurreta baten egilea delakoan. Identifikazioa lapurreta egin zen leku berean tokiko Udaltzaingoak hartutako DNA froga batzuei esker eman da, udal iturrien arabera. Joan den 2004ko ekainaren 7an izan zen lapurreta, Estartetxe kaleko etxetresna elektrikoen denda batean. Bertatik telebistak, bideoak, ordenagailuak, monitoreak eta bideo kamerak eraman zituzten, beste gauza askoren artean. Kristalezko atea apurtuz sartu ziren lokalera eta ohi ez bezalako azkartasunarekin egin zuten dena. Horren ondoren, Udaltzaingoak egindako begi ikuskaritzan, odol frogak hartu zituzten agenteek, antza lapurrak nahi gabe ebakitzerakoan eginak.Frogak Ertzaintzaren Polizia Zientifikora bidali egin ziren eta, hile batzuk pasatzerakoan, "zuzenak" zirela egiaztatu zuten, baina identifikazioa egitea ezinezkoa zela adierazi zuten, Ertzaintzaren datu basean genetika horrekin bat zetorren inor ez zegoelako, udal iturriek diotenez. Bost urte beranduago, lapurreta horren ustezko egilea beste delitu batengatik atxilotua izan da eta datu basean sartzerakoan identifikatuta izan da. Bilboko A.S.B. gizonezkoa 2004an egindako lapurreta horregatik epaitua izango da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun