Bigarrenik, 3 eta 7 urte bitarteko umeentzat, “Uda txiki” izeneko egitasmoa jaio zen iaz, eskolen guraso elkarteen eskutik. Aurten ere jarraipena emango dio Udalak horri eta 131 umek hartuko dute parte, Txomin Aresti eta Altzaga ikastolakoak, eta Artatza-Pinueta, Lamiako eta San Bartolome ikastetxekoak, hain zuzen ere.
Txomin Aresti eta Altzaga ikastoletako gurasoen elkarteek Gardabera enpresa kontratatu dute ekintza horiek aurrera eramateko. Honetarako, 8 begirale, koordinatzaile bat, ezgaituentzat monitore aditu bat eta txikienentzat laguntzaile bat egongo dira, 89 umeentzat (hauetariko 32 Txomin Arestikoak eta gainontzeko 57ak Altzagakoak). Besteak beste, Txomin Aresti zentroa izango dira psikomotrizitate gela, ikasgelak eta jolastokia. Horretaz gain, Sakoneta zein Kandelazubieta kiroldegiak erabiliko dituzte. Ordutegia 9:00etatik 14:00etara arte izango da.
Artatza-Pinueta eta Lamiakoko gurasoen elkarteek, berriz, Pinpoil aisialdi enpresa aukeratu dute izena eman duten 18 umeak entretenitzeko, horretarako hiru begirale eta koordinatzaile bat izango direla, zentroko bertoko ikasgelak eta gainontzeko gelak hartuz. Ordutegia 9:00etatik 15:00etara izango da.
Ludoteka artistikoa San Bartolomen
Bestalde, Auzotarrok auzokideen elkarteari ere haur-ekintza batzuk antolatzeko diru laguntza eman dio Udalak: San Bartolome eskolako hiru ikaslek Sortzen izena jarri dioten ludoteka artistikoa eramango dute aurrera. Orotara, 4 eta 6 urte bitarteko 14 txikik zein 3 urteko 7 gaztetxok jolastuko dute bertan, 9:00etatik 14:00etara. Azkenik, aurten lehen aldiz, Aterpe Gazte Bulegoak “Uda Leioan gaztea” kanpaina antolatu du 14 eta 17 urte bitartekoentzat. Helburua da gazte horiei ere udarako ekintza bereziak eskaintzea, euren adinaren araberako programa batekin, uztailaren 6tik 17ra.
Ia mila gaztek parte hartuko dute Leioan udarako antolatutako hainbat ekimenetan
Gazteen artean kirola, kultura eta aisialdi osasuntsua sustatzeko eta gurasoei laguntzeko asmoz, Leioako Udalak hainbat egitasmo prestatu ditu udarako. Guztira, 3 eta 17 urte bitarteko ia 1.000 neska-mutilek parte hartuko dute, uztailan izango diren ekimen desberdinetan. Alde batetik, UDA 09 kanpainan, 7 eta 13 urte bitarteko 800 umek esku hartuko dute. Udal iturrien azaldu dutenez, "hain arrakastatsua izan da beti programa hau orain arte parte hartzeko eskaeren kopurua handiegia zela, eta hauetariko askok kanpoan geratzen zirela". Hori dela-eta, aurten Kultura eta Kirol Arloak galdeketa bat egin du ia 500 gurasoen artean, ekimena hamabostaldietan banatzeko aukera eskainiz; eta horrela tokiak bikoiztu. Gehiengoak baiezko botoa eman zuen, tokiko arduradunek diotenez, eta hori horrela UDA 09 txanda bitan banatuko da aurten: alde batetik, uztailaren 1etik 15era ,400 umek hartuko dute parte; eta hilaren 15etik 30era, beste horrenbeste. Horrela, eskaera kopuruari aurre egingo zaio eta izena eman duten ume guztiek parte hartu ahal izango dute. Ume horiekin lan egiteko 45 begirale kontratatu dituzte, guztiak elebidunak. Argazkian, guraso eta seme-alabek elkarren arteko ekintzak egin zituzten orain bi asteburutako Familien Topagunean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun