Goitibehera lasterketari dagokionez, bigarren edizio honetan gauza batzuk hobetu dira. Horrela, ibilbidea luzatu da Mulligan's-en ondoko aldapa ere hartuz. Gainera, nagusien sailkapenez gain, umeek ere haien proba propioa izango dute. Segurtasun neurriak ere gogortu egin dira. Goitibeheren gainean bost pertsona izango da gehienezko kopurua nagusien artean eta hiru umeentzat. Guztiek kaskoa, belaunak eta ukondoak zaintzekoak,mauka luzeko arropa eta eskularruak jantzi beharko dituzte. Zer esanik ez, goitibehera guztiek frenodunak eta punta arriskutsurik gabekoak izan beharko dute. Dena den, punta guztiak babestuta egon beharko dira.
Leioako San Juanetarako Maritxu Teilagorriren egitaraua:
Ekainak 19, ostirala
- 21:30ean, pregoia eta txupina txosnagunean.
- 23:00etan, kontzertua: 121 Krew, Kokein eta Kupela erromeria taldea.
Ekainak 20, larunbata
- 13:00etan, gazta eta txakolin dastaketa txosnagunean.
- 21:00etan, gazte afaria.
- 23:00etan, kontzertua: Stupenda Jones eta Esne Beltza.
Ekainak 21, igandea:
- 18:00etan, Goitibera lasterketa Mulligan's tabernatik.
- 22:00etan, kontzertua: Basatiak, Mendeku Itxua eta Macarrada txosnagunean.
- 02:00etan, Leioa eta Itzubaltzetako bertsolarien arteko dema.
Ekainak 22, astelehena
- 18:00etan, Xiba herri kirolen txapelketa txosnagunean.
- 20:00etan, poteo musikatua, RR Txarangarekin, txosnagunetik eta herriko tabernetatik.
- 22:00etan, musika ez komertzialaren kontzertua: Crimen y Castigo, Undecimo Mandamiento, Ultima Neurona eta Yan.
- Ondoren, kontzertua Basakirekin.
- 02:00etan, lasterketa kulero eta kaltzontzilotan.
Ekainak 23, asteartea
- 19:00etan, akelarre herrikoiaren kalejira txosnagunetik eta herritik.
- 21:00etan, sardina jana txosnagunean.
- 22:00etan, erromeria Triki Ta Ke taldearekin.
- 00:00etan, akelarre herrikoiaren XI. edizioa.
- Ondoren, erromeriaren jarraipena.
Ekainak 24, asteazkena
- 18:00etan, Bertso Okertuak emanaldia Iratxe Ibarra, Igor Elortza, Xabi Paya, Maddalen Arzallus eta Xabier Silveira bertsolariekin. Gai jartzailea: Miren Loizaga.
Orotariko giroa izango da bihartik aurrera Leioako Sanjuanetan
2009ko eka. 18a, 13:25
Bihar, ostirala, abiatuko dira Leioako San Juan jaiak (pdf), hilaren 24ra arte, asteazkenera arte, alegia. Urtero, eskualdeko lehenengo jai handia da Leioakoa, Getxoko Sanisidroen baimenarekin. Gauzak horrela, festazaleen ezinbesteko hitzordua izaten da. Aurten, berriz, ez da hain segurua parranderoen bisita, beste herrietako Sanjuanak, Kobetasonic eta Hatortxurock festibalak edota Getxoko Euskara Zerbitzuaren Kantuketan kontzertua ere data berberetan izango direla. Hori dela eta, adin eta gustu guztientzako orotariko eskaintza egin du Maritxu Teilagorri txosna batzordeak. Erromeriak, hip-hop-a, punk, heavy, saltsa edota rock doinuak hainbat ekimen herrikoiekin tartekatuko direla. Esate baterako, musika kalejira, "Bertso okertuak" emanaldia, goitibeheren lasterketa, herriko gazteen afaria, Leioa eta Itzubaltzetako bertsolarien arteko dema, sardina jana edota akelarre herrikoiaren hamaikagarren edizioa. Gainera, izen eta eskarmentu handiko artistak izango dira Leioako txosnagunean: Esne Beltza, Macarrada, Stupenda Jones, Triki ta Ke, Krimen y Kastigo, Undecimo Mandamiento, 121 Krew, Kokein, Xabi Paya, Silveira, Elortza, Ibarra eta Maddalen Arzallus, adibidez. Bestalde, eskualdeko talde gazteenarentzat ere izango da lekua, Basatiak punk talde jaioberriaren kideek 14 eta 15 urte dituztela. Gainera, abilidade handia erakutsi dute dagoeneko Itzubaltzeta / Romon eta Alonsotegin emandako kontzertuetan. Argazkian, iazko akelarrearen entsegua.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun