Sopelako San Pedro jaien lehen egunean, ekainaren 25ean, ofizialki hasi aurretik, gimnasia erritmiko, tai ji eta karate erakustaldiak egingo dira pilotalekuan. 19:00etan, Funky L'Olla ikuskizun ibiltariak zeharkatuko ditu herriko kale nagusiak, udaletxeko plazatik abiatuta. Ordu bete beranduago, Hor Konpon taldearen dantzaldia hasiko da udaletxe aurrean, eta horren, pregoia irakurri eta txupina bota (21:00etan) ondoren jarraituko du. Gainera, OEP eta Napalm herriko taldeak KOPekin batera arituko dira txosnen gunean, 23:30etatik aurrera. Txosnak 21:30etik aurrera egongo dira irekita. Hain zuzen ere, aipatu gunean joko dute Chalwa Band, Wicked eta Desmaskaradas taldeek ostiralean, hilak 26; Luhartz-ek larunbatean (dantzaldia); eta Bizardunak taldeak igandean.
Gainontzeko festa egunetan, txu-txu tren batek herriko kaleak zeharkatuko ditu, goizean hasita. Gainera, goizetan haurrentzako hainbat jolas egingo dira Iturrieta parkean, bertan jarriko baitira txikientzako puzgarriak, ludoteka, dino striker bizikletak, jumping-a eta eskalada. Gaztegunean Wii, simulagailuak eta bideo jokoak egongo dira ostiralean, eta paint ball-a larunbatean. Igandean, berriz, "Gazte ero bero" jaia izango dute neska-mutilek: twister, game party, punteria jolasak, dj-ak...
Kale ikuskizunak
Herriko kaleak Tandarica Orkestar, La Rustic Arlanzon Band eta Batuband taldeen kalejirek girotuko dituzte. Antzerkia atsegin dutenek "Recicletas", En La Lona taldearen "Momento Ridicoli" eta "Les Enfants" kale ikuskizunez gozatzeko aukera izango duten. Dolores San Juan y el mariachi tequileño de Guadalajara, Fundacion Tono Manero eta beste hainbat kontzertu eta emanaldi ere eskainiko ditu jaietako egitarauak.
Kirolen atalean hainbat ikuskizun eskainiko dira, hala nola, esku pilota (Irujo-Beroiz / Xala-Goñi III), bodyboard festibala eta irristaketa erakustaldia. Jan-edaneko hitzorduei dagokienez, lumagorri oilaskoa eta sagardoa guztiontzat, lukainka jan herrikoia, herri bazkariak eta XXXIX. Bakailau Txapelketa egingo dira.
Egitarau osoa (pdf) ikusteko hemen sakatu hemen.
San Juan jaiei hartuko diete lekukoa Sopelako Sanpedroek
2009ko eka. 18a, 21:28
Ekainaren 25ean, ostegunarekin, hasiko dira Sopelako San Pedro jaiak, eta suziriek eta pregoiak abiatuko dute era guztietako ekitaldi eta jarduerak dituen egitaraua, hurrengo astelehenean (hilak 29) amaitu arte. Hala ere, aurretik, San Juan gauzaz gozatzeko aukera ere izango dute sopeloztarrek. Ekainaren 23an, "Terapia de fuego" gai espektakulua egongo da ikusgai Urko kiroldegian, 22:30etik aurrera. Ondoren sua piztuko dute, eta bukatzeko, txokolate jana ere izango da. Bitartean, Algortan, Umeen San Juan Sua antolatu dute egun horretarako Bizarra lepoan Euskara elkarteak, Gorrondatxe kultur elkarteak, Jose Antonio Agirre euskaltegiak, UKTEST elkarteak, ALBE Algortako bertsolari eskolak, J.B. Zabalako guraso elkarteak eta Egizu Getxo euskaldun elkarteak. Gauzak horrela, 18:30ean hasita, umeentzako tailerrak, txokolate-jana, bertsoak, euskal kanta eta beste hainbat gauza izango dira San Nikolas plazan. Horretaz gain, Uribe Kosta zein Erandio osoan ospatuko dute aipatu gaua. Bitartean, Leioan San Juan jaietan murgilduta ibiliko dira ekainaren 19tik 24ra. Argazkian, Sopelako txosna bat aurreko jaietan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun