Autodeterminazio eskubidearen kontuan, zenbakiak eta demokraziaren kontzeptua alde dauzkagu. Baina gure Ulsterra beste lurralde guztia baino handiagoa da.
Nafar askori entzun diot "no soy vasco" esaten, euskaradunak ez zirela adierazteko. Eta gu, gure zelai berdeetatik, kontzeptu kulturalari balio politikoa eman guran jarraitzen dugu, baina egun euskararen lurraldea puntu ibiltariak dira, hektareak baino gehiago.
Irrikan nago mendebaldeko politikari batek, politikoki nafarrak garela argudiatuta, noiz esango duen "zuek ez bazatozte gu joango gara". Mendebaldeko lurraldeak Nafarroa Garaiari bueltatu behar zaizkiola dioen Alfontso VIII.aren testamentuko lehen anexoa eskutan hartuta.
Kamiseta bat egingo nuke Sanzen aurpegiarekin.
Fredi Paya bertsolari algortarrak gaur "Berria" egunkarian argitaratutako artikulua.
[Berria.info] Ez naiz ni Antso Handiaren nostalgikoa. Izatekotan, Korokotarena naiz. Erromatar inbasioaren aurka kantauriarren buruzagi militarra izan zenarena. Zeltar hizkuntza entzutera ohituta zeuden erromatarrek, zein zen ez zekiten hizkuntza barbaroa egiten zuenarena. Horren aurretik, euskara edo bere ahaide hurbil bat egiten zuten akitaniarrei Erromarengandik defendatzen masiboki lagundu zien itsasoko herriaren lehendakariarena. Erromatarren kanpamendu militarrean agertu eta bere buruagatik eskaintzen zuten dirua eskatu ostean, saria eskuan eta bizirik irten zenarena. Euskararen lurraldetasunaren kontua garaiaren araberakoa da. Gaur egun Sabinok asmatutako mapari tiratzen diogu eguraldia iragartzeko. Euskararen lurraldea aldarrikatzen dugu. Baina Zaharrakazteluko gazteei, ez denei noski, Cristiano Ronaldo baino zati bi urrunago geratzen zaie nire bizitzari zentzua ematen dion hizkuntza. Eta hiru nafarretik bi euskara ikastearen aldekoak diren arren, hortik batasun prozesu batera geltoki asko daude. Argazkia: Koska irratia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun