Benito Lertxundik uztailaren 17an joko du
Aipatzekoa da kontzertu horrez gain, beste bi saio ere egongo direla uztailean. Horrela, uztailaren 11n, larunbatean, 21:30ean, Pedro Guerra kantautore kanariarra ariko da Algortako Biotz Alai plazan eta hurrengo astean, uztailaren 17an, ostiralarekin, Benito Lertxundiren txanda izango da, leku eta ordu berean. Halaber, beste musika estiloak ere egongo dira Algortan. Horrela, uztailaren 10ean, ostiralean, Bilboko Masa Coral del Ensanche taldearen eskutik "Katiuska" zarzuela antzeztuko da.
M-Clanen "Las calles estan ardiendo" bideo-klipa
Bihar, larunbatarekin, M-Clan taldea arituko da Algortako Portu Zaharreko zabalgunean. Talde espainolaz gain, Rebeca Jimenez abeslaria ere ariko da biharko saioan. Kontzertua 22:00etan hasiko da eta sarrera doakoa izango da. Bertara joateko, garraio publikoa erabiltzea gomendatu du antolakuntzak, alde horretan aparkatzeko lekurik ez baitago. "Memorias de un espantapajaros" delako biran buru-belarri sartuta dator Algortara M-Clan. Birak taldearen azken diskoaren izena hartu du eta horren kanta berriak aurkeztuko dute. Diskoak aurtengo Espainiako Musikaren Sarietan atera da garaile, Rock Diskorik Onenari emandako sarien mailan. Bestalde, Rebeca Jimenezek bere estreinaldiko diskoaren kantak ere aurkeztuko ditu: "Todo llegara", hain zuzen ere. Argazkian, M-Claneko kideak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun