Saioa unibertsitateko kide guztiei irekita dago —irakasle eta ikertzaileei, administrazio eta zerbitzuetako langileei eta ikasleei—, bai eta segurtasun informatikoan interesa duten informazioaren teknologiako profesionalei, segurtasun-arduradunei eta auditoreei. Sarrera doan izango da, baina izena eman behar da aldez aurretik Internetez edo 902 197 198 telefonora deituta.
Saioaren egitaraua:
09:30 - 09:45 Erregistroa
09:45 - 10:30 "Red segura con tus switches" hitzaldia. Xavi Campos D-Link-eko kideak hitzaldi bat emango du, sarea segurua izan dadin zimenduetatik. D-Link teknologiak konexioak indartzeko eta MITM teknikak saihesteko balio du, bere aburuz. Halaber, 802.1x-arekin eta NAP teknologiarekin ADn integratuz gero, Windows 2008ko zerbitzariari integratutako sarea guztiz kontrolpean uzteko aukera ematen duela dio Camposek.
10:30 - 11:15 "Se tu en tu AD" hitzaldia. Espainia gai horretan aitzindaria delakoan, punta puntako identifikazio-dokumentua ei du: e-NAN. Tresna hori beharrezkoa den "token" bakarra bihur daiteke langileak norberaren Active Directoy-an identifikatu daitezen. SmartAccess-eko Rames Sarwat-ek e-NAN ADn integratzeko modua erakutsiko du, bestelako egiaztatze-sistemekin behin betiko amaitzeko. "Pasahitza ahaztu dut" gehiagorik ez omen.
11:15 - 11:45 Kafea
11:45 - 12:30 "Gestiona todas tus maquinas con el AD". Gaur egun gero eta heterogeneoagoak dira enpresa-inguruneak eta norberaren tresnak segurtasunez kudeatzeko gero eta tresna gehiago eta hobeago behar dira. Active Directory-a ordenagailuen sarea kudeatzeko "konponbide paregabea" ei da. Vintella Integration Services-aren bidez, Active Directory-aren funtzioak hedatu eta *NIX lanpostuak ere kudeatu daitezke.
12:30 - 13:15 Microsoft TMG. Enpresaren firewalls-ak eraldatu. Saio honetan Chema Alonsok, Microsoft MVP Enterprise Security-n, segurtasunari buruzko berrikuntzak erakutsiko ditu Microsoft-en Firewall L-7 soluzioan. Enpresako sarearen perimetro-segurtasuna kontrolatzen du eta zerbitzuak "erabateko segurtasunez" argitaratzen ei ditu Interneten.
13:15 - 13:30 Eskariak eta galderak.
Bihar, asteartearekin, “Summer of security (SOS)” segurtasun informatikoari buruzko ekitaldia izango da, 9.30etatik aurrera, Leioa eta Erandioko campusean. Jardunaldia solasaldietan egituratuta dago eta EHUko Informazio eta Komunikazio Teknologien Gerenteordetzak (IKT) antolatu du Informatica 64rekin lankidetzan. Gauzak horrela, EHUko Zientzia eta Teknologia Fakultateko Paraninfoan burutuko da jardunaldia, espainolez. Hitzaldien gai nagusia segurtasun informatikoa izango da eta arlo honetako adituak izango dira bertan. Informatica 64ko kideez gain, "segurtasunaren eta sareen arloan diharduten beste enpresa batzuetako ordezkariak" ere etorriko dira, EHUk zabaldutakoaren arabera. Tartean, Microsoft TechNet, Smart Access, D-Link edo Quest Software enpresetako kideak izango dira bertan. Ekitaldia antolatzaileak Galizia, Herrialde Katalanak eta Euskal Herritik burutzen ari diren udako biraren barruan kokatzen da. Argazkian, hizlariek software jabeduna hobetsiko badute ere, software librea ziurragoa da / Xa2ertxo.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun