Atzo, asteartea, 17:30ak aldera, herritar batek Ertzaintza ohartarazi zuen, Algortako Ereaga hondartzan zenbait bainulariren tresnak osten harrapatutako gizon bat atxikita baitzuten, Eusko Jaurlaritzaren Herrizaingo Sailak zabaldutakoaren arabera. Patruila bat bertaratu zenean, bi emakumezkok poliziei adierazi zieten bainua hartzetik itzuli zirenean euren gauza guztiak eskuoihaletan botata aurkitu zituztela eta, gainera, sakelako telefonoak, eguzkitako betaurrekoak, dokumentazioa eta etxeko giltzak falta zirela. Handik gertu, zenbait lekukok gizon bat atxikita zuten lapurreta horren ustezko egilea zelakoan; hortaz, ertzainek susmagarria atxilotu zuten, baina ordurako, gizonak ez zeramatzan lapurtutako tresnak. Atxilotua komisariara eramatera zihoazenean, hondartzain bikote batek paperontzi batean aurkitutako plastikozko poltsa bat eman zien agenteei. Poltsa barruan, lapurreta jasan zuten bi bainularien dokumentazioa eta gauzak zeuden, polizia iturrien esanetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun