Juan Jose Ezpeleta Barrikako alkateak adierazi zuenez, “aurrerapen hori ez da dokumentu itxia, irizpide berriak biltzeko irekita dago Barrikako herriak duen iritziak jasotzeko”. Gauzak horrela, "auzotarrek beren iritzia eman dezaten, beren zalantzak argitzeko, prozesuan ahalik eta argiena izan dadin eta partaidetza sustatzeko", kontsultak egiteko egunak jarri dira uztailean eta irailean, talde idazlearekin. Aurretik hitzordua eskatu beharra dago ondoko telefono zenbakiaren bitartez: 946 771 062. Hitzorduetarako ordutegia ondokoa da: uztailaren 3, 17 eta 24an (ostirala), 9:30etik 13:30era; eta uztailaren 29an (asteazkena), 16:30etik 20:30era arte. Iraileko ordutegia honako hau da: hilaren 4, 11 eta 18an (ostirala), 9:30etik 13:30era; eta irailaren 23an (asteazkena), 16:30etik 20:30era.
Prozesu luzea
Barrikako Udalaren Plangintza Orokorreko berrikuspen prozesua 2002an egin zituen aurreneko urratsak, osoko bilkuran hartutako erabakiaren ondorioz. Ondoren erakunde desberdinekin ebaluazio prozesua hasi zen herri antolamendua erabakitzeko, indarrean diren legeak kontutan hartuz. "Prozesua luzea eta zaila izan da, baina atzo aurkeztu zen aurrerapena", udal arduradunek aitortu dutenez.
Herri Plangintzako Aurrerapena aurkeztu diete barrikoztarrei
2009ko uzt. 2a, 19:26
Herrigintza Antolamendurako Plan Orokorreko (HAPO) Herri Plangintzako Aurrerapena atzo, asteazkena, aurkeztu zieten herritarrei Juan Jose Ezpeleta Barrikako alkateak eta aipatu txostena idatzi duen taldeko kideek. Aurrerapen hori idazteko kontutan hartu dira Euskadiko Lur Antolamendurako Jarraibideak, Tokiko Lur Planak eta Bilbo Metropolitarreko Inguru Erabilgarriko Tokiko Plan Partziala, udal iturriek zehaztutakoaren arabera. Denera, 571 etxebizitza eraikiko dira, horietatik 132 lur urbanoan (89 etxebizitza tasatuak eta 43 salmenta askekoak), eta 439 lurzoru urbanizagarrian (719 etxebizitza kolektibo eta 20 familiabakarrekoak). Tokiko arduradunek azaldu dutenez, "aurrerapen horrek Elexalde auzoko dentsifikazioa indartzen du, udalerriko herrigune izan dadin". Halaber, "egun dauden eremu urbanoak tinkotzen ditu eta esparruetako zerbitzuak berritzeko eremuak finkatzen ditu; eta etxebizitza berrientzako exekuzio unitateak zehazten ditu". Azkenik, "Lepola eta Goierri auzoen dentsifikazioa indartzen du etxebizitza kolektiboetarako lursail urbanazigarria klasifikatuz". Aurrerapenak urbanizagarria ez den eremua ere zehazten du. Argazkian, Ezpeleta alkatea (ezkerrean) eta beste hainbat arduradun atzo Herri Plangintzako Aurrerapena aurkezten / © Barrika.net.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun