Duela hilabete batzuek, kanpaina honen aurretik, beste bi izan ziren martxan udalerriko merkataritzako beste sektore batzuetan. Horrela, urtearen hasieran “Okindegian ere euskaraz” izeneko kanpainan guztira, 31 okindegik hartu zuten parte eta oihalezko 2.000 poltsa banatu ziren. Horren ostean, “Erosi euskaraz” kanpainan 59 dendek hartu zuten parte: 31 harategi, 16 fruta-denda eta 12 arrandegi. Establezimendu horietan erosketak egiteko 3.000 koadernotxo banatu ziren. Horiek hiztegi praktikoa zuten barruan.
Katalogo berria
Bestalde, Getxoko Udalaren Euskara Zerbitzuak merkatariei eta ostalariei eskaintzen dizkien diru-laguntza eta zerbitzuak jasotzen dituen katalogoa, zerbitzu gutuna, argitaratu du berriro. Guztira, 500 katalogo eta 5.000 esku-orri argitaratu ditu Udalak. Zerbitzuak eta diru-laguntzak honako hauek dira: errotulua ipintzeko diru-laguntzak, itzulpen zerbitzua, maketazio zerbitzua, “Dendaketan” euskara ikasteko ikastaro laburrak, euskara ikasteko diru-laguntzak, material sorta interesgarria (euskaraz edo ele bietan eta doan. “Zabalik/Itxita”, “Merkealdia”, “Eskaintza bereziak”, “Erreklamazio-orriak eskuragarri”...) eta hizkuntza-aholkularitza. Eskaerak telefonoz edo posta elektronikoz egin daitezke, “azken finean, uste dugulako, euskara kalitate gehigarria dela merkatariarentzat eta horretarako Udalak lana erraztu egin nahi dio merkatariari”, adierazi du Iturbek.
“Dendarik denda” informazio orria
Azkenik, Euskara Zerbitzuak “Dendarik denda” informazio orriaren lehenengo alea aurkeztu du. Euskaraz eta gaztelaniaz idatzita, orriak Euskara Zerbitzuak merkatariei zuzenduta antolatzen dituen edo sortzen diren ekimen guztien berri eskainiko die. Udalak bere erregistroan izena emanda duten merkatari guztiei bidaliko die.
“Eroan euskaraz!" lelopeko kanpaina jarriko du martxan uztailean Getxoko Udalaren Euskara Zerbitzuak. Oraingo honetan, joskintza, jantzi, zapata, jostailu, kirol eta edergintza dendetan zabalduko dute Gehi Euskara Merkataritzara egitasmoaren inguruko ekimen berria. “Aurrekoetan bezala, merkatarien eta herritarren arteko elkarreragina sustatzea da helburua”, Koldo Iturbe Euskara zinegotziak azaldu duenez (mp3). Mota horretako ekimenak "gaur egun ofizialak diren bi hizkuntzetatik ahulena berreskuratzen laguntzeko" egiten dituztela azpimarratu du udal agintariak (mp3). “Horregatik alor desberdinetan, tartean merkataritzan, euskararen erabilpena sustatzeko jarduerak antolatzen ditugu”, gaineratu du Iturbek. Oraingo kanpainan momentuz 51 saltokik hartuko dute parte. Horietan, euskaraz erosten duen herritarrak "rist-rast irabazi" txartel bat jasoko du. “Txartelak saria badauka erosketak eramateko poltsa bat irabaziko du erosleak. Poltsa, poltsikoan edo poltsan erraz eraman litekeen poltsatxo baten barruan dator, eta beraz, plastikozko poltsen ordezko oso egokia izan liteke”, azaldu du zinegotziak (mp3). Guztira, 10.000 txartel eta 5.000 poltsa banatuko dira dendetan, 200 kartelekin eta 43.000 triptikorekin batera. Argazkian, ondoko poltsa irabazi ahal izango dute erosleek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun