Horiekin batera, aurten ere diru-laguntza eskatu ahal izango dute aurreko urteotan eskatu dutenek: euskara-eskoletara joan nahi, baina baliabide ekonomikorik ez dutela frogatzen duten pertsonak; unibertsitateko ikasketak eta lanbide-heziketa arautua edo antzekoak, amaitu dituzten pertsonak edo ikasketa horien azkeneneko ikasturtean daudenak, lan-merkatuan noiz sartuko zain daudenean; 12 urte edo gutxiagoko seme-alabak dituzten gurasoak; Haur zaintzaileak edo haurrak zaintzen dituzten harreman zuzeneko familiartekoak (aitite-amamak...); pediatrian eta ginekologian lan egiten duten sendagile eta erizainak, beti eta gutxienez sei hilabetez jardun badute lanean Getxon; haurtzaindegietako langileak eta Getxoko ikastetxeetan irakasle ez diren baina ikasleekin harreman zuzena duten langileak (jolas-orduetako zaintzaileak, jantokiko zaintzaileak, autobusetako zaintzaileak); euskara ikastera doazen Getxoko Udaletxeko langileak eta Udaleko autonomiadun; erakundeetako langileak, Udaleko zinegotziak; denda edo establezimenduetako jabeak eta lan egiten dutenak eta elkarte edo taldeetako begiraleek, soldatapeko langileek edota boluntarioak. Ikastaroa amaitutakoan, baldintza guztiak betetzen dituztenei Udalak matrikularen %100 ordainduko dio eskatzaileari ordainketa bakar batean. Eskaerak urte osoan zehar egin daitezke.
2008ko balantzea
Getxotarren hizkuntza gaitasuna areagotzea helburu duten diru-laguntzak 309 getxoztarrek eskatu zituzten 2008an, guztira 75.516 euro. Baldintzak beteta, eskaera egin zuten %75ak jaso zuen laguntza. Bestalde, euskararen erabilera sustatzea helburu duten laguntzak eta zerbitzuak 444 getxoztarrek eskatu zituzten, guztira 23.267 euro. Udalak guztira 753 eskaera jaso zituen eta 98.783 euro banatu zituen.
Euskalduntzeko laguntzak eskatu ahal izango dituzte 18 eta 23 urte arteko getxoztarrek
Getxoko Udalak euskara ikasteko eskaintzen dituen diru-laguntzetan hiru berritasun izango dira aurten: alde batetik, lanean hasi aurretik euskara ikasteko diru-laguntzak jasoko dituzte gazteek, euren euskalduntzea amaitzeko. Hartara, 18 eta 23 urte bitarteko neska-mutil getxoztarrek subentzioa jaso ahal izango dute gutxienez egunean bi orduko ikastaroa egin ahal izateko, beti ere 6. maila gaindituta badaukate. Eguneko 3 klase orduko barnetegi eskolak ere diruz lagunduko dira. Bestalde, merkataritza eta ostalaritzako establezimenduek errotuluak, toldoak, edo ibilgailu komertzialak euskaraz ipintzeko jasotzen zituzten diru-laguntzak, autonomoek ere eskatu ahal izango dituzte aurten. Hirugarrenik, baliabide ekonomikoen faltagatik euskara ikasi gabe ez geratzeko, Oinarrizko Errentari dagozkion diru-sarrerak baino ez dituztenek, hasieran, matrikularen erdia baino ez dute ordaindu behar izango. Argazkian, Koldo Iturbe Euskara zinegotziak (mp3) eman du diru-laguntzen berri.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun