Alabaina, Botijolak aurreikusten ez zituen bi gauza gertatuko dira. Alde batetik, Bacterio, bahitua izan aurretik, bere asmakizunaren piezak historiako une desberdinetan gordeko ditu. Bestalde, nazioarteko bi agente ez dira bilerara joango, haiek izango direla Munduak duen itxaropen bakarra. Mortadelo (Eduardo Soto) eta Filemonek (Pepe Viyuela) albo batera utzi beharko dituzte beren arteko liskarrak eta lanean hasi beharko dute elkarrekin, Ofeliaren (Berta Ojea) laguntza baliagarriarekin eta Superraren (Mariano Venancio) aginduetara.
"Mortadelo y Filemon. Mision: salvar la Tierra" filmaren trailerra
Etzi, larunbatarekin, Sopelako ume, gaztetxo eta ez hain gazteek Mortadelo eta Filemonek Lurra zelan salbatuko duten ikusi ahal izango dute, 22:30etik aurrera. Izan ere, Sopelako Udalak kanpoko zineko emanaldia antolatu du egun horretarako Udaletxeko Plazan eta proiektatuko den film erdalduna “Mortadelo y Filemon. Mision: salvar la Tierra” izango da. Miguel Bardemek zuzendutako lana Francisco Ibañezen komikietako pertsonaiak diren Mortadelo eta Filemonen abenturetan du oinarri. Filmean, Lurrak mehatxu handia pairatuko du. Lehorte handi batekin batera, gaizkile talde batek Lurreko ur erreserba guztiak agortu nahi izango ditu. Munduko ezkutuko agenterik onenek premiazko bilera egingo dute, baina ez dute inolako arrastorik izango. Gauzak gehiago okertzeko, Botijola maltzurrak (Carlos Santos) bilera horren aurkako atentatua egin nahi du. Bere asmoa, bere izen bera duen edaria uraren ordezko bihurtzea da. Hori lortzeko Bacterio maisua (Janfri Topera) bahitzen ahaleginduko da baita ere. Argazkian, Mortadelo (eskuinean) eta Filemon (ezkerrean).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun