Ekimen solidario honen laugarren edizioa izango da oraingoa. Lehena 2006an izan zen Terueletik Murtziara; 2007an Murtziatik Santiagora; 2008an Murtziatik Madrilera eta 2009an, Murtziako Aljucerretik Getxora. Aurrekoetan bezala, Murtziatik etorriko diren txirrindulariak Ricardo Lopez Rubio, Jose Matas Abellan eta Pedro Juan Hernandez izango dira eta etapa desberdinetan lagun desberdinekin batera joango dira. Mendiko bizikletetan ibiliko dira eta materiala alportxetan eramango dute, laguntzeko ibilgailurik gabe. “Ekimen honekin konfiantza igortzen dugu eta horregatik Parkinson gaixoei laguntzen segitu nahi dugu”, esan dute hiru parte hartzaileek.
Getxon 250 gaixo
Parkinsona gaixotasun neurodegeneratiboa da, progresiboa eta baliaezintasunera jotzen duena. Oso zaila da atzematea eta gaur egun oso ezezaguna da gure gizartean. Espainia mailan 150.000 lagunek baino gehiago pairatzen dute. Getxo udalerrian, berriz, 250k. Gaixotasuna bere osasun eta gizarteko aldeetan onartua izan behar da.
Parkinson gaixoen aldeko bizikleta martxa solidarioa hilaren 14an amaituko da Getxon
2009ko uzt. 3a, 15:39
Parkinson gaixotasuna daukatenen aldeko IV. bizikleta bidaia solidarioa larunbat honetan, uztailak 4, aterako da Murtziako Aljucer herritik eta hilaren 14ean amaituko da Getxon udalerrian, Bicisolidaria eta Parkinson Internet elkarteek antolatuta, beste erakunde batzuen laguntzarekin, tartean, Getxoko Europark eta Udalarena. “De Murcia a Getxo, ¡Unidos contra el Parkinson!” lelopean, ekimenaren helburua da gaixotasun honek kaltetutakoen benetako arazoak ezagutzera ematea; baita horren gaineko kontzientziazio sozial handiagoa lortzea, dirua lortzea eta bere beharren inguruko mezu bateratua igortzea ere, horiek ematera ezagutzearekin batera. Ibilbide osoak 1.155 kilometro ditu eta parte hartzaileek 11 etapatan egingo dute. Egunero goizeko 7etan aterako dira eta etapen iraupena 7 edo 8 ordukoa izango da, egunean ehun bat kilometro eginez. Getxora 14:00ak aldera heltzea aurreikusita dago, azken etapa horretan, Gasteizetik, Punta Galea Txirrindulari Elkarteko txirrindulariek lagunduta. Ekimenean lagundu nahi duten pertsonek beren laguntza ekonomikoa Cajamarren kontu korronte honen zenbakian sar dezakete: 3058 0295 11 2720032907. Argazkian, Ricardo Lopez, Jose Matas eta Pedro Hernandezek ibilbide osoa egingo dute / Bicisolidaria.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun