Enbor erorien ezpalgileek esango dute, I-11tik, lege itxura duen oro erabil litekeela terrorismoaren aurka. Eta Ezker Abertzalea orduan konturatu behar izan zela etorkizunean inork ez diola lagunduko. Erresistentzia armatuari bizkarra eman ezik.
Baina europarren jarrera ez da I-11n sortu. Hegazkin naziek, gure herrietan, zibilen sarraskiak egiten zituztenean, europar demokraten ardura bakarra, guri armarik ez heltzeko, mugak ondo ixtea zen.
Francorengandik ihes egin zutenak, kontzentrazio esparruetan sartu eta euren gerra interesetarako erabili zituzten. Bigarren Mundu Gerra ostean, demokraziaren Europa garaileak Hitler eta Mussoliniren aldeko erregimen faxista espainiarra erauziko zuela uste zuten demokrazian sinesten zutenek. Baina negozioak lehenetsi zituzten, gaur egun legez, demokraziaren aurrean.
1959an, AEBek eta Europak, demokraziaren izenean diktadura frankista egonkortuko zutela ikusita sortu zen ETA. 36ko armek eta osteko erreformak sortutako ukazio eta eskubide zapalketaren aurrean, "zuek konpondu" europar jarrera merkantilista historikoaren ondorio logikoa da. Epaia ez da borroka armatuaren ondorio, askoz lehenagokoa da.
Fredi Paya bertsolari algortarrak gaur "Berria" egunkarian argitaratutako artikulua.
Fredi Paya: "Estrasburgo"
2009ko uzt. 3a, 16:58
[Berria.info] Europako Batasunak gogorarazi digu ez daukagula petroliorik. Eta palestinarren aurkako genozidioa gelditzeko ezer egingo ez badu, zergatik busti beharko litzateke euskaldunon aferan? Zer eskain geniezaioke guk Espainiak ez duenik? Orain hamar urte, Kontseilu Kurduak gurago izan zuen Gasteizeko legebiltzarraren gonbitea errefusatu, espainiar estatuarekin tentsiorik izatea baino. Pragmatismoz uler ditzagun erabakiak. Epai horren bi aukerak ez ziren justizia ala injustizia. Aukera biak Espainia haserretzea edo ez haserretzea ziren. Euskaldunon haserreak ez baitu inoren negozioetan eragiten. Giza eskubideen aldeko erakunde eta EBko begiraleek, ostera, etengabe salatu dute mendebaldean beste Turkia bat dagoela. Argazkia: Koska irratia.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun