Jiraren izenak ulertzera ematen duenez, Aitorrek ez du diru ekarpen handirik espero bere ibilbidean: "askotan aterako dudana gasolina ordaintzeko" izango dela dio. Dena den, laster beste 3 edo 4 kontzertu gehiago lotzea espero du.
Patada en la Papadaren doinuak entzuteko "Un billete pa un filete Tour" jirara hurbiltzeko asmoa duenak hobe du etxean gelditzea, soinu askoz akustikoagoa aurkituko baitu. Errua Berangoko Grabasonic grabazio gunearen lagunena da, gitarran ikasten haiek animatu baitzuten: "Gabon Zaharrean gaupasa eginez eta orain arte ikasi dudanarekin ja ez dut punk nota batzuk jotzen, orain akordeak eta guzti egiten ditut". Gainera, irailean bestelako musikariekin taldea osatu nahi du Aitorrek, biolina eta haize-instrumentuak barne. Dena den, irailera arte ez da bakarrik egongo. Berarekin "erotzeko jira" horretan Portu portugaldarra murgilduko da, "ni bezala, nomada bat delako".
El Perro Viejok disko batekin sarituko gaitu udazkenean, iraila aldera grabatzen jarri ostean, baina aurretik hezur puska bat utzi digu, "Solo verdades" abestia (mp3). Argentinako lagun batek eskatu zion Aitorri bilduma-disko baterako kanta bat eta bat-batean grabatu behar izan zuen. Hori dela eta ez dago larregi pozik emaitzarekin, abesti geldoa geratu zaiolakoan, zuzenean berriz, "askozaz hobea da".
Patada en la Papadaren abeslariak El Perro Viejo proiektu propioaren jira hasiko du gaur
Aitor de Luis Muñoz, edo Aitor "Patada" ezagunagoa denez, "Un billete pa un filete Tour" izeneko musika jira abiatu du gaur, ostiralarekin. Izan ere, Patada en la Papadatik aparte sortutako El Perro Viejo proiektu berriko jiraren lehenengo kontzertua gaur gaueko 10etan emango du Lekeitioko Bar Tokin. Hortik eta hilaren 17ra arte, gutxienez beste bost kontzertu emango ditu Madril, Almeria, Granada, berriro Madril eta Markina zeharkatu ostean. Zurrunbilo horretan sartu baino lehen, UKBERRI.NETek Aitorrekin berba egiteko aukera izan du, maletak autoan sartzen zituen bitartean. Abeslariak argi eta garbi adierazi du Patada en la Papada taldeak "erabat zapuztuta" daukala, "jendeak lan egiten duenez jotzeko astirik ere ez" duelako. Berak, baina "gustatzen zaidan honetan egin nahi dut lan, eta kalean jo egin behar badut bada kalean joko dut".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun