Bandera urdina jarri dute Azkorriko hondartzan
2009ko uzt. 6a, 20:03
Bandera urdina gaurtik dago jarrita Getxoko Azkorri-Gorrondatxe hondartzan. "Ingurumena eta natura errespetatzen, hareatza gestionatzeko egindako esfortzu berezia aitortzeko saria" da hori udal iturriek adierazi dutenez. Aurretik ezarritako estandar batzuk bete izana egiaztatzen du, tartean, bainatzeko uraren kalitate ona, garbitasuna, informazioa, ingurumen hezkuntza, segurtasuna, zerbitzuak eta instalakuntzak. ADEAC-FEE, Ingurumen Hezkuntza eta Kontsumitzaileen Elkarteak emana, Azkorriko hondartzak 1.992an lortu zuen bandera urdina lehenengo aldiz eta, harrez geroztik, 15 bider eskuratu du (salbuespen bakarra Prestigeren isurketek eragin zuten). Hareatzaren ezaugarri bereziengatik garrantzi nabarmena du ingurumenaren ikuspuntutik: alde batetik, dunen ekosistemagatik; eta bestetik, bere hondar-lurzoru bigunean euskal kostaldean aurki daitekeen apo lasterkariaren bi populazioetako bat bizi delako bertan. Argazkian, bandera urdina Azkorrin.Ildo horretan, bandera urdinaren azken helburua da turismoaren garapen jasangarria eta hondartzarako eta gunerako ingurugiroko gestioa lortzea: “gure hondartzak denon onurako dira; gero eta eskasagoa den espazio publikoa da, eta errespetatzea eta konpartitzea ikasi behar dugu, bai egungo herritarren mesederako (bertokoen edo bisitarien) bai etorkizuneko belaunaldien mesederako ere”, nabarmendu du Keltse Eiguren Ingurumen zinegotziak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun