Espainiako Gobernuaren Bizkaiko Ordezkaritzak "harriduraz" hartu du PPk eskaera egin izana, "batez ere ordezkari popularrak jakitun izan behar direlako edozein zinegotzik, Getxoko PPkoak barne, inork baino zilegiago duela, izatez, epaitegietara jotzea Legea bete dadin eskatzeko". Aurretik, eskaera aurkeztu aurretik, banderak jar daitezen, "beharrezkoa" egitea eskatu du Eduardo Andrade Getxoko PPren ordezko bozeramaileak; "horrela, uztailaren 31n (San Inazio), udalerriko egun handian, bandera espainola eta ikurrina udaletxean zintzilik ikus ditzagun". Ildo horretan, "Espainiako Auzitegi Goreneko sententziaz gain, maila txikiagoko beste hainbat epaitegien eta Udalbatzaren gehiengoak hiru alditan hartutako erabakiak bete ez izana" egotzi dio Imanol Landa alkate jelkideari zinegotzi popularrak. "Gauza bera egin du 145 proposamenekin", Andradek gaineratu duenez. Bitartean, "Cabiecesek abiatu beharreko ekinbide judizialak bere poltsikotik ordaintzea" exijitu dio Landari.
"Emandako hitza"
Getxoko PSE-EEri, berriz, "erantzunkizunez" jokatzera dei egin dio Andradek, "behingoz, hauteskunde kanpainan eman zuen hitza bete dezala" eskatuz. Zinegotzi popularraren arabera, "Getxo udalerrian aldaketa politikoa eman eta PPri agintzen utziko ziola hitzeman zuen". "Bada, zentsura mozioa sina dezala behingoz", gaineratu du Andradek. Getxoko PPren ordezko bozeramailearen arabera, "PSEk bere hitza beteko balu banderak jarrita egongo lirateke jada. EAJrekin aurrekontuak adostu beharrean, PSEk bere hitza izan balu, Korrikak ez zituen 16.000 mila euro jasoko, zeinean gizatxar batzuk ETAko presoen argazkiak aldean paseatzen ibili ziren, terrorismori gorazarre eginez. Edota ez zen dirurik emango Pirritx eta Porrotx ekartzeko".
Banderen Legearen harira zentsura mozioa "behingoz sinatzea" eskatu dio Getxoko PSEri PPk
Espainiako Gobernuaren Bizkaiko Ordezkaritzan idatzia aurkeztu du gaur Getxoko PPk. Udal getxoztarrak Banderen Legea "behingoz" bete dezan, "beharrezko neurriak" hartzea eskatu diote Mikel Cabieces Madrilgo exekutiboko ordezkariari. Getxoko PSE-EEk "bere hitza bete" eta zentsura mozioa "sinatuko" balu, "dagoeneko banderak jarrita" egongo liratekeela diote tokiko popularrek. Hala ere, Portugaleteko alkate sozialista ohia buru duen erakundeak "harriduraz" hartu du PPk aipatu eskaera egin izana. Espainiako Gobernuaren Bizkaiko Ordezkaritzak prentsa ohar bidez aipatu duenez, "ondo daki Alderdi Popularrak 2008ko irailaren 17an Banderen Legea betetzea eskatu zitzaiola Getxoko Udalari". Tokiko erakundeak, baina, lege haustearen aurkako administrazioarekiko auzi-helegitea aurkeztu zuen eta, orain, auzitegiaren erabakiaren zain daude. Argazkian, Marisa Arrue eta Luis Almansa Getxoko PP eta PSE-EEren bozeramaileak, aurreko batean, bandera espainola eta ikurrina atzean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun