Diru-laguntzak dirua irabazteko asmorik ez duten elkarteek eskatu ahal izango dute, beti ere Eusko Jaurlaritzan, Bizkaiko Foru Aldundian edo Getxoko Udalean izena emanda badute. Getxon egoitza soziala duten taldeek ere eskatu ahal izango dute.
Eskaerak Udaletxeko Erregistro Orokorrean eta Gizarte Zerbitzuetan, Getxoko eta Itzubaltzeta / Romoko Herritarrei Arreta egiteko Bulegoetan eta Udaltzaingoaren egoitzan dagoen Herritarrei Arreta egiteko Gunean aurkeztu ahal izango dira, legeak aurreikusten dituen tokiez gain.
Gizarte laguntzan jarduten duten elkarteak 70.000 euroekin babestuko ditu Getxok
Getxoko Udalak 70.000 euro banatuko ditu aurten Gizarte Zerbitzuen arloan jarduten duten erakunde, elkarte eta organizazioetarako diru laguntzetan. Hortaz, inbertsio hori %6,71n hazi du Udalak, iaz baino 4.400 euro gehiago bideratuz. Laguntzetarako eskaerak aurkezteko epea datorren abuztuaren 10ean amaituko da. Gizarte Zerbitzuen Arloaren xede eta helburuekin bat datozen programa eta proiektuak egiteko diren diru-laguntzak "2008-2011 Legegintzaldiko Planaren jarduketa lerroetan sartzen dira, 'Gizarteratzea, Bizikidetza eta Elkartasuna' Ardatz Estrategikoren barruan", tokiko iturriek gogoratu dutenez. Ondoko hauetarako emango dira diru-laguntzak: azterlan edo ikerlanak egiteko; baztertuta dauden edo baztertuak izateko arriskutan dauden gizarte-kolektiboak baztertuak izan ez daitezen aurre neurriak hartzeko eta proiektuak egiteko eta herritarrei informazioa emateko eta sentsibilizazio proiektuak. Proiektuak biztanleei, oro har, edo sektore jakinei bideratu ahal izango zaizkie. Argazkian, Elena Coria Gizarte Zerbitzu Arloko zinegotzia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun