“Katiuska” bi ekitaldiko obra da. Emilio Gonzalez del Castillo eta Manuel Marti Alonso dira egileak, eta Pablo Sorozabalen musika du. Ukrainako herri batean dago girotua, 1918an. Herrialdea gerra zibil betean dela, Katiuska gaztea nola bizi den kontatzen du zarzuela horrek; boltxebikeek agintzen dute herrian, eta han ezkutatutako zenbait nobleren atzetik dabiltza.
Pedro Guerra
Aurten “Vidas” bere azken lana besapean duela dator Pedro Guerra Getxora. 14 kantuz osatutako disko horrekin, kantautoreak ia lau urteko isiltasun diskografikoa hautsi du. Album lasaia, akustikoa, xumea eta inspiratua da “Vidas”, jarraitzaileak epel uzten ez dituena.
Asteburuan, musika izango da erabateko protagonista Algortan, Getxoko Kultur Etxeak iragarri duenez. Ostiral honetan, uztailak 10, Bilboko Zabalguneko Abesbatzak "Katiuska" zarzuela antzeztuko du Biotz Alai plazan, 21:30etik aurrera. Sarrerak 10 eurotan daude salgai. Biharamunean, larunbatean, Pedro Guerra kantautore kanariarra ariko da 22:00etan, toki berean. Abeslaria "Vidas en vivo" biraren erdian dator gurera, "Vidas" bere azken lana aurkeztera. Horretarako txartelak 15 eurotan eskura daitezke. Azkenik, datorren ostiralean (hilak 17) ere musikak hartuko du Algortako Biotz Alai plaza. Egun horretan, Benito Lertxundi entzuteko aukera egongo da, 21:30etik aurrera, 12 euroren truke. Argazkian, Pedro Guerra kantautorea. Argazkian, Pedro Guerra kantautorea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun