Biktimak bere aldetik, hainbat ubeldu zituen aurpegian eta ebaki bat hatz batean. Ertzainek Gurutzetako ospitalera eraman dute, bertan osasun zerbitzuko kideek eta auzitegiko medikuek arta zezaten. Atxilotuak, bestalde, polizia aurrekariak ditu era askotako delituengatik. Getxoko komisariara eraman dute eta bertan dagozkion izapideak egiten dihardute. Bukatzean jarriko dute Guardiako epailearen esku.
Bestalde, gertaturikoari erantzuteko asmoz, Bilgune Feministak elkarretaratzea deitu du astelehenerako, 19:30ean, Algortako Telletxe plazan.
Gizon bat atxilotu dute Algortan emakume bat arma zuriz mehatxatu eta bortxatzea egotzita
Ertzaintzak 23 urteko gizonezko bat atxilotu du gaur goizaldean Algortan, arma zuri batekin egindako mehatxuak eta bortxaketa delitu bat leporatuta. Eusko Jaurlaritzaren Herrizaingo Sailak zehaztu duenez, erasoaldia biktimaren etxean jazo da; ustezko egilea ere bertan bizi zen, logela bat zeukan alokairuan. Polizia iturrien arabera, atzo (osteguna) gauerdia aldera, ustezko erasotzailea, biktimaren logelan sartu zen, lan kontuak zirela eta, bere senarra kanpoan zela aprobetxatuz. Lehenbizi emakumezkoa kolpatu zuen eta ostean bortxatu egin zuen labana batekin mehatxatzen zuen bitartean. Emakumezkoak ihes egitea lortu zuen: bizilagun baten etxean ezkutatu zen eta handik Ertzaintzari dei egin zion. Bertaratu ziren ertzainek ustezko erasotzaileak etxetik alde egin zuela egiaztatu zuten eta berehala, susmagarriaren bilaketari ekin zioten auzoan zehar. Goizaldeko hirurak aldera atzeman dute, biktimaren etxetik gertu. Argazkian, pasa den maiatzaren 11n Bilgune Feministak Algortan egindako elkarretaratzea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun