Koldo Iturbe Kultur zinegotziak joan den urrian aurreratu zuen Getxoko Udalak Espainiako Egileen Elkarte Nagusiari (SGAE) ordainduko ziola, horrela Bizkaiko Lurralde Auzitegiak plazaratutako epaia betez. Gauzak horrela, maiatzaren 12an onartu zuen tokiko erakundeak SGAEri 44.000 bat euro ematea, 1997 eta 2005 urte artean herriko jaietan ospatutako dantzaldietako egile eskubideak ez ordaintzeagatik. Hala ere, Iturbek berriro aipatu zuen orduan Getxoko Udala ez dela herriko jaiak antolatzen duena, auzoetako jai batzordeak direlako horren ardura dutenak, "eta horrexegatik azken hauei dagokie SGAEri ordaintzea”. Kultur zinegotziaren arabera, "aurten bertan, diru-laguntza deialdian ezarritako baldintzetan jai batzordeei eskatuko zitzaien egileen elkarteari eurek ordaintzea". Esan eta egin. Joan den ostiralean egindako prentsaurrekoan aurreratu zuenez, subentzioaren bigarren zatian diru kopuru hori atxikituko zaie SGAEri ordaintzen ez dioten jai batzordeei. Argazkian, Koldo Iturbe Kultura zinegotzia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun