Asteazken honetan, uztailak 15, Bertso Jaialdi Mundiala ikuskizunaren 11. ekitaldia ospatuko da Algortako Bihotz Alai plazako karparen pean. Algortako Bertsolari Eskolak (ALBE) antolatutako saioa 22:00etan hasiko da, sarrera doakoa delarik, eta Maialen Lujanbio, Andoni Egaña, Amets Arzallus, Jon Maia eta Fredi eta Xabi Paya bertsolariak arituko dira. Planteamendu ausarta, gai bereziak, umorea eta sorpresak dira jarduera honen ezaugarri nagusiak. Oraingo honetan ALBEko Peio Unzurrunzaga arituko da gai-jartzaile lanetan. Maila handiko bertsolarien partaidetzarekin batera, publikoaren partaidetza behar duten sorpresa eta jarduera ugari izango dira Bertso Jaialdi Mundialean, ikuskizun dibertigarria eta originala dena. Argazkian, Xabi eta Fredi Paya bertsolari algortarrak 2008ko Bizkaiko Txapelketaren finalean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun