Amnistiaren Aldeko Mugimenduaren salaketa:
Ezer baino lehen gure poza adierazi nahi dugu askatasun berri honengatik, eta gure ongi etorria eskaini nahi diogu Zigorri.
Gogor salatu nahi dugu PPko zinegotzi baten hitza nahikoa izan dela Zigor Goikoetxea bi urteko espetxera zigortzeko. Aurrekari benetan arriskua dela deritzogu, honek espainiar alderdi politikoetako kideei izugarrizko ahalmena ematen baitie. Beraien hitza nahikoa izan daiteke aurrerantzean edozein herritar inolako frogarik gabe espetxeratu eta zigortzeko.
Eskandalu izugarria deritzogu bestalde Zigorri bere herrian bizitzeko debekua ezartzea. Euskal preso politiko ohien aurka ezarri nahi dituzten neurriak jarri zaizkio Zigorri, bere ingurune hurbiletik atera eta kontrolera neurri lotsagarriak ezarriak.
Zigorren baldintzarik gabeko askatasuna eskatzen dugu, eta Zigorrek bere herrian eskubide guztien jabe bizitzeko eskubide duela esan nahi dugu.
Zigor Goikoetxeari harrera beroa egin diote Algortan
2009ko uzt. 16a, 01:30
Arratsaldeko 4:30ak aldera Salamancako Topas espetxetik atera eta etxerantz abiatu ostean, gaueko 10ak aldera heldu da Algortara Zigor Goikoetxea Azkorriko gaztea. Amnistia tabernan zain zituen dozenaka lagun harrera egiteko asmoz. Besarkada eta musuan artean, preso ohiak beroki eskertu du herritarrek eskainitako keinua eta ez ditu ahaztu nahi izan kartzela barruan utzitako lagunak. Sei mila euroren trukean bada ere, askatu behar zutela jakinarazi zioten atzo Goikoetxeari; bere urtebetetze egunean hain zuzen ere. Espainiako Auzitegi Nazionalak orain dela hilabete bat kaleratu zuen getxoztarraren aurkako epaia. Bertan, bi urteko espetxe zigorra, Marisa Arrue PPren zinegotziari 6.000 euroko isuna ordaintzea eta berarengandik 300 metro baino urrunago egotera zein Getxotik at, bizitzea ezarri zioten Goikoetxeari. Era horretan epaileek ontzat eman zuten Marisa Arruek gaztearen aurka balizko heriotza mehatxuengatik jarritako salaketa. Epaiketa apirilaren 14an egin zen eta bertan lekuko guztiek ukatu zuten Goikoetxeak mehatxuak egin izana. Bitartean, "herri honetan soberan dagoena Arrue bera" dela adierazi du Uribe Kostako Amnistiaren Aldeko Mugimenduak, gazteari Getxo udalerritik kanpo bizitzeko jarritako zigorraren harira. Bitartean, Goikoetxeari ongi etorria emateko pankarta Ertzaintzak eraman duela salatu du errepresioaren kontrako erakundeak. Argazkian, Zigor Goikoetxea bere argazkia kentzen. Argazki gehiago ikusteko sakatu hemen.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun