Algortako Egunsentia izeneko haur eskola berriak irailaren 15etik 30era irekiko du bere lehenengo izen-ematea. Izan ere, San Inazio herri ikastetxearen alde batean dagoen D ereduko zentroa datorren ikasturtearen erdialdean zabalduko dela jakinarazi dute Getxoko Udalaren iturriek. Haurreskolak Partzuergoak ere zentroa 2010eko urtarrilaren 11n zabalduko dela baieztatu du. Ikastetxeak 84 neskato eta mutiko hartuko ditu, guztiak 0 eta 3 urte bitartekoak. Alde batetik, 0-1 urteko 4 gela izango dira, gela bakoitzean 8 ume izango direla, orotara 32. Beste aldetik, 1-3 urteko beste 4 gela beteko dituzte 13na neskato eta mutiko, guztira 52 haur. Adin horietako ume getxoztarren gurasoek eta legezko tutoreek Getxoko Herritarrentzako Arreta Bulegoetan bete ahal izango dute matrikula. Argazkian, Egunsentia zentroa lanetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun