Amnistiaren Aldeko Mugimenduaren oharra:
Amnistiaren Aldeko Mugimendutik ezer baino lehen gure elkartasuna adierazi nahi diegu Zigorri, Arkaitzi, eta hauen senideei.
Zigor Goikoetxea gazteak bizi duen jazarpena eta etengabeko erasoa gogora ekarri nahi dugu. PPko zinegotzi baten salaketaren ondorioz espetxeratua izan zen Zigor, eta bi urteko espetxe zigorra ezarri zioten epaitua izan ondoren. Aste honetan bermea ordainduta kalera atera da, baina ageri denez bere aurkako jazarpenak ez du etenik.
Espainiar botere mediatikoak, botere judizialak eta botere politikoak bat egin dute pertsona honen aurkako gurutzadan, eta espetxetik atera denean indar parapolizialak izan dira bortxaz bere gurasoen etxea erasotu dutenak. Espainiar faxismoaren jomuga argia da Zigor Goikoetxea eta hori erakusten du azken eraso honek ere. Euskal militante independentisten aurka guztiak balio duen egoera bat sortzen ari da, non beraien legeak horretara egokitzen dituzten, eta beharrezkoa bazaie beraien legeetatik at aritzen diren, beti ere errepresiorik basatiena erabili ahal izateko.
Hori erakusten digute azken hilabeteotan eman diren bahiketek eta bestelako jarduerek, eta hori erakusten digu Jon Anzaren desagerketak berak ere. Errepresioa eta gerra zikina muturreraino eramateko prest daudela erakusten ari dira Rubalcaba eta Zapatero. Argi dugu eraso honen atzean espainiar indar errepresiboak daudela, zehazki nork egin duen ez badakigu ere.
Amnistiaren Aldeko Mugimendutik dei egiten dugu eraso honen aurka burutuko diren mobilizazioetan parte hartzera.
Goikoetxeatarren kontrako erasoa "espainiar indar errepresiboei" egotzi die AAMk
Uribe Kostako Amnistiaren Aldeko Mugimenduak adierazi du "espainiar indar errepresiboak" daudela eraso berri honen atzean eta horri erantzuteko mobilizazioetan parte hartzeko eskatu du. Etengabe bitakoran zabaldutako oharrean aipatu duenez, "espainiar botere mediatikoak, botere judizialak eta botere politikoak bat egin dute pertsona honen aurkako gurutzadan, eta espetxetik atera denean indar parapolizialak izan dira bortxaz bere gurasoen etxea erasotu dutenak. Espainiar faxismoaren jomuga argia da Zigor Goikoetxea eta hori erakusten du azken eraso honek ere. Euskal militante independentisten aurka guztiak balio duen egoera bat sortzen ari da, non beraien legeak horretara egokitzen dituzten, eta beharrezkoa bazaie beraien legeetatik at aritzen diren, beti ere errepresiorik basatiena erabili ahal izateko". Argazkian, Zigor Goikoetxeari egindako heriotza mehatxua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun