Gizarte-Hezkuntza Alorrean Esku-Hartze Zerbitzua
Gizarte-Hezkuntza Alorrean Esku-Hartze Zerbitzuaren helburua "haurren eta gazteen eta beraien familien gabeziak prebenitzea eta konpontzea da, tartean, harremanen, familia, heziketako edo gizartean, inguru sozial eta familiar ez egokietan daudenean. Aldi berean, bere garapen pertsonala lortzeko beren ongizatea sustatzea" bilatzen du. Zerbitzua arrisku egoeran, moldatu ezinean edo jarrera arazorekin dauden (esku-hartzearekin konpon daitezkeenak) 0 eta 21 urte bitartekoei dago zuzenduta. Zerbitzuaz arduratuko den lan taldea bost gizarte hezitzaileek osatuko dute, lan jardunaldi osoz. Zerbitzuaren adjudikazioaren gehienezko zenbatekoa urtean 221.490 eurokoa izango da.
Esku-hartze Psikosozialeko Zerbitzua
Bi psikologok osatuko duten Esku-hartze Psikosozialeko Zerbitzuak "laguntza eta orientazio psikologikoa eskainiko ditu eta diagnostikoak egiteko Gizarte Zerbitzuetako langileekin elkarlanean arituko da. Esku-hartze terapeutikoak eta buru osasuneko arazoak tratatzea ez dira sartuko, ez bada osasun zerbitzuetara bideratzeko". Zerbitzua arrisku egoeran edo babes gabean eta diagnostiko edo disziplinarteko balorazio baten beharra duten 0 eta 18 urte bitartekoei eta beren familiei dago zuzenduta. Adjudikazioaren gehienezko zenbatekoa urtean 109.140 eurokoa izango da.
Gizarte-Hezkuntza Alorrean, esku-hartze Zerbitzua eta esku-hartze Psikosozialeko Zerbitzua esleitzeko lehen urratsak ematen hasi da Getxoko Udala. Tokiko iturriek jakinarazi dutenez, oraingoan bakoitza bere aldetik kontratatuko ditu, guztira 330.000 bat euro inbertituz. "Aldaketa hausnarketa prozesu baten eta haurrei eta nerabeei zuzendutako programen ebaluazioaren ondorioa izan da eta baita azken lege aldaketetara, egoera berrietara eta atzemandako gizarte beharretara egokitzeko helburuarekin ere" Getxoko Udal Gobernuak nabarmendu dutenez. Udalak 15 urte baino gehiago daramatza Gizarte-Hezkuntza alorrean esku-hartze Zerbitzua eskaintzen eta esku-hartze Psikosozialeko Zerbitzua orain arte horren barruan zegoen. 2008-2011ko Plan estrategikoaren barruan dauden bi zerbitzuak abenduaren 5eko 12/2008ko Legearen barruan kokatzen dira. Horren arabera, Gizarte Zerbitzuen Euskal Sistemaren helburuen artean babes faltagatik sortzen diren beharrak prebenitzea eta artatzea daude, ikuspuntu komunitariotik eta hurbiltasunetik artatzen. Gainera, esku-hartzeak Gizarte Zerbitzuen ardura izan behar dira, bete beharrekoak eta udal eskuduntzarenak. Argazkian Getxo udalerriko udaletxea, artxiboko irudi batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun