Asteazkenean, ordea, Asia kontinentera bidaiatuko dira ikusleak, Txinako Guizhouko Hego-Ekialdeko Folklore Kantu eta Dantza Konpainia arituko baita. Taldea 1972an sortu zen eta inguru hartako konpainia profesional bakarra da. Dantzari eta musikari peto-petoak ditu; beraz, kalitate handiko konpainia dugu. Besteak beste, konpainiak Bouyei etnia dantzak berreskuratu ditu; eguneroko bizimoduaren eta ospakizun garrantzitsuen erakuskizun dira horiek. Halaber, Yi eta Miao gutxiengoen dantzak eskaintzen dituzte, emakumek antzeztuak.
Azkenik, Getxoko Itxartu Taldeak itxiko du jaialdia ostegunean, datorren urtera arte. Sortua izan zenetik, elkarte horren dantza taldea euskal dantza eta kulturaren mesederako lana burutzen du, dantzaren berrikuntza eta freskotasuna bermatzen duen irakaskuntza goiztiarra dela medio. Elkarteak, Iñaki Uriaren eskutik eman zituen lehenengo pausuak. Dantza taldeen egitura eta lana denborarekin garatuz joan da. Gaur egun, 40 kidek osatzen dute taldea, heldu zein gaztetxoak kontutan hartuz.
Bihar, asteartearekin, Getxoko Dantza eta Folklore Jaialdiaren XXV. edizioa hasiko da. Aurten, publikoak Peruko Cosandama taldearen, Guizhouko Hego-Ekialdeko Folklore Kantu eta Dantza Konpainia Txinatarraren eta Getxoko Itxartu Taldearen saioez gozatu ahal izango du Algortan. Ohi bezala, saioak Biotz Alai plazan izango dira eta 22:00etan hasiko dira. Sarrera doakoa izango da. Biharko ekitaldian, Cosandama taldea ariko da. Peruko konpainia horren izenean Kosta, Andeak eta Amazonia hitzak bateratu dituzte. Hiru eskualde horietan elkarrekin bizi dira, maila berdinean, kitxuen, aymaren, shipiboen, ashaninken, motxeen eta tximuen ondorengoak. Taldeak kultura bizia zaintzeko eta zabaltzeko konpromisoa hartu du eta Peruko musikaren aniztasuna eta tradizioko dantza laburki erakusteko ahaleginean datza bere ikuskizuna. Argazkian, Itxartu taldea iazko edizioan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun