Bi gazte atxilotu dituzte Negurin larderiaz lapurreta egiten saiatu direlakoan

Getxoko Udaltzaingoak bi gazte atxilotu zituen atzo, horietako bat adin txikikoa, larderia erabiliz lapurreta egiten saiatu zirelakoan. Bertako Poliziaren arabera, gertaera Neguriko Atxekolandeta kaleko begiratokiaren ondoan jazo zen. Bertsio horren aburuz, aipatu bi "gazteek beste adin txikiko bat hartu zuten, diru-zorroa eta telefono mugikorra lapurtzeko, eta, ondoren, itzuli egin zizkioten Udaltzaingoaren auto bat kale horretan zebilela ikustean". Udaltzainak biktimaren lagun batek ohartarazi zituen, eta egileak geldiarazi zituzten gertatutako lekutik metro gutxira. Adin txikikoa gurasoen esku utzi zuten eta adin nagusikoa, berriz, epailearen esku gelditu zen.