Urte askotan Bizkaiko garapenaren ardatza izan da Bilboko itsasadarra, foru iturriek aipatu dutenez. Kultur ondare bilakatuta, denboran atzera begiratzeko aukera ematen du; baita etorkizuna zein izango den igartzeko ere, gaineratu duten. Egun "hirigune handia" osatzen dute Ibaizabal errekako alde biek. Horrenbestez, urriaren 3an zein 4an, Altzagako ontziralekuan gasolinoa hartu eta, alde batera zein bestera eginez, Bilboko Arriaga antzokia eta Bizkaiko Zubia bisitatuko dituzte. Irteera orduak 10:00etan eta 12:30ean izango dira. Plaza mugatuak dira. Beraz, 944 890 140 edo 946 025 891 telefono zenbakian izena eman beharko da.
Gorlizko itsasargia
Gorlizek bere ondareari buruzko bisita gidatuak eskainiko ditu urrian dohain. Horien iraupena bi ordu eta erdikoa izango da gutxi gora behera eta zailtasuna baxua da. Bisitek, Astondoko hondartza bukaeran kokatuta dauden duela 6.000 urteko duna
petrifikatuen aurrean izango dute hasiera. Handik, Astondoko eskaileretara joango dira, Gorlizko badia defendatzeko, XVIII. mendean eraikitako Azkorriagako gotorlekura igotzeko. Gero, itsasargira arte jarraituko dute bidea eta horren inguruan dauden bunkerretara sartuko dira. Ondoren, jaisten hasiko dira foru abeletxetik igaroz, bidea hasitako puntura heldu arte. Bisita horiek, urriaren 3 eta 17an, 16:00etan izango dira; eta urriaren 24an, berriz, 11:00etan. Izena ematea Jata Ondon (946 156 612) egin behar da.
Butroeko burdinaren bidea
Abiapuntua Plentziako metroko zubi ondoan dagoen plaza izango da, plazatxoa, eta handik marea-errota zaharraren ondotik jarraituko dute ibaian gora, Gatikako Butroe auzoraino. Ibilbidean Mungiatik Plentziara burdina, egurra nahiz beste material batzuk zelan pasatu eta merkaturatzen ziren azalduko diete bisitariei. Horrenbestez, urriaren 17an zein 18an, 10:00etan izango da abiatzeko ordua. Ibilaldiaren iraupena bi urte eta erdikoa da; 7 kilometro, gutxi gora behera. Ondokoa da informazioa jaso eta erreserbak egiteko telefono zenbakia: 946 156 612.
Getxoko Udalak egin bezala, Gorliz, Plentzia eta Erandioko tokiko erakundeek Ondarearen Europako Jardunaldiekin bat egin dute, Bizkaiko Foru Aldundiak sustatutako ekimenaren bitartez. Gauzak horrela, urrian zehar bisita gidatuak izango dira aipatu udalerrietan, dohainik. Hala ere, aurretik eman beharko da izena dagokion udal bulegoan. Besteak beste, Erandion, hilaren 3an eta 4an egingo dute "Bilboko itsasadarra" izeneko txangoa. Gainera, oinez egin beharrean, gasolinoan joango dira ibaian barrena. Izena emateko 944 890 140 edo 946 025 891 telefono zenbakira deitu beharko da. Gorlizen, berriz, hilaren 3an, 17an eta 24an izango dira Astondo hondartza eta itsasargia arteko ibilaldiak. Apuntatzeko 946 156 612 telefono zenbakia jarri dute eskura. Azkenik, Plentzian, hilaren 17an eta 18an egingo dute "Butroeko burdinaren bidea" lelopeko zeharkaldia. Erreserbak egiteko 946 156 612 telefono zenbakira deitu beharko da, Gorlizen bezala. Argazkian, Gorlizko itsasargia / © Gorliz.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun