Iker Acero eta Gaztesareako beste bi atxilotuak aske utzi dituzte fidantzapean
Gaztesarearen aurkako operazioan atxilotutako Iker Acero, Alberto Martinez eta Arkaitz Artola kalera irten dira Espainiako Auzitegi Nazionalean deklaratu ostean. Amnistiaren Aldeko Mugimenduak Etengabe bitakoraren bidez jakinarazi duenez, atxilotuak goizeko 10:00etan epaitegira eraman badituzte ere, "luze jo du deklaratzeko diligentziak". Fernando Andreu epaileak auziperatuak eta fiskala entzun ondoren aske utzi ditu, fidantza bana eta hamabostean behin sinatzera joateko agindua ezarrita, auto honetan (pdf) irakur daitekeenez. Fiskalak Acero eta Martinezentzak baldintzarik gabeko espetxe zigorra eskatu du, ETArekin kolaboratzea egotzita. Artolarentzat, berriz, baldintzapeko askatasuna ezartzeko esan du. Guardia zibilen aurrean deklaratzeari uko egin zioten atzo atxilotuek. Guardia Zibilen eskuetan egon direnean tratua zuzena izan dela adierazi dute. Gaur, 21:00etan harrera egingo diote Iker Acerori Algortako Amnistia tabernan. Europa Press-en arabera, Gaztesarea.net gazte komunikabidea dagoeneko itxi egin du epaileak, baina UKBERRI.NETek egiaztatu duenez oraingoz atari euskalduna sarean jarraitzen du. Argazkian, Iker Acero surflari ezaguna da / Etengabe.
Bestalde, lehen inork topatu ez dituen Segiren edota ETAren bonoak saltzea egozten bazieten, orain gainera Segiren DVDak, bufandak eta bestelako materialaren banaketa leporatzen diote Gaztesareari. Bestalde, Gaztesareako erredakzioan Herrizaingo Sailaren hainbat auto ofizialen matrikulak jasotzen dituen koaderno bat topatu duela Guardia Zibilak dio Europa Press albiste-agentziak, iturri judizialak aipatuz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun