Iker Acerori egindako harreraren bideoa ikusgai jarri du Koska irratiak

Gaztesarea gazte komunikabide euskaldunaren aurkako sarekadan atxilotu eta fidantzapean aske utzi ondoren Iker Acero surflari algortarrari atzo egindako harrera entzun eta ikusi egin ahal izango dute bertan egon ez zirenek. Izan ere, Koska irratiak, Uribe Kosta eta Erandioko irrati librea, ekitaldiari buruzko bideoa sareratu du Euskaltube.com webgunean. Bertan, zazpi minutuko erreportaje batean Aceroren etorrera, ehunaka auzokideen maitasun eta elkartasun adierazpenak eta Andoni Egaña eta Algortako Bertsolari Eskolako hainbat kidek botatako bertsoak ikus daitezke. Horretaz gain, argazki gehiago hemen daude ikusgai.