Eusko Jaurlaritzako Herrizaingo Sailaren iturriak aipatuz Europa Press albiste agentziak zabaldu dutenez, aske geratu dira igandetik atzora arteko gauean Lekeition atxilotutako zortzi lagunak. Hala ere, familia iturriak aipatuz, gazteetako bat atzo bertan askatu zutela dio "Lea-Artibai eta Mutrikuko Hitza"-k. Goizean zehar Gernikako epaitegitik igaro ostean, gazteetatik hiruk fidantzapean -3.000 eurokoa, "Lea-Artibai eta Mutrikuko Hitza"-ren arabera- askatu ei dituzte eta astero aurkeztu beharko dute epaitegian. Gainontzekoak libre utzi dituzte epaiketa egin arte. Amnistiaren Aldeko Mugimenduak, berriz, "terrorismo delitua" egozten dietela salatu du eta, ondorioz, afera Espainiako Auzitegi Nazionalera pasatuko dutela. Bi algortarren egoera zehatzaren berri ez du oraindik eman Uribe Kostako AAMk. Argazkian, Auzitegi Nazionalera eraman nahi dituztela salatu du AAMk / cc-by Roberto Garcia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun