Espainiako Auzitegi Nazionaleko fiskalak 3 urte eta erdiko espetxe zigorra eskatu du Aner Mimenza preso politiko getxoztarrarentzat, 2007ko abenduaren 21ean Soto del Realgo (Madril, Espainia) espetxean, Mercedes Gallizo Espetxe Zuzendaritzako arduraduna bertan zegoela sakabanaketa salatu eta euskal presoak Euskal Herriratzea aldarrikatzeagatik. Protesta haietan Mimenzarekin batera auzipetutako Borxa Urberuaga gernikarra eta Asier Tapia donostiarrarentzat ere 3 urte eta erdiko espetxe zigorra eskatzen du, Uribe Kostako Amnistiaren Aldeko Mugimenduak Etengabe bitakoran gaineratu duenez. Horrezaz gain, Tapiarentzat 3.000 euroko isuna eskatzen du, besteei bezala agintaritzaren kontrako atentatua eta “desordena publikoa” leporatzeaz gain, kalumniak eta irainak ere egozten dizkiotelako. Epaiketa ostiral honetan, irailak 4, egingo diete Madrilen. Argazkian, presoen aldeko manifestazioa Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun