Astearte honetan, irailak 1, bere ordutegiak aldatuko ditu Metro Bilbao garraio enpresak, oporretako hilabetea igarota, bidaiarien eskaerara egokitzeko. Abuztuan, zerbitzuaren bolumena murriztu zuten, Aste Nagusiko bederatzi egunak eta gainerako asteburuetako 24 orduak izan ezik. Bilboko jaietan metroak zerbitzu etengabea eman zuen: 2.151.601 bidaiari eraman zituen. Gaurtik irailaren 13ra, uztailean beste tren jarriko dituzte martxan. Hilaren 14tik aurrera, berriz, garraio gehiago ibiliko dira, Neguko Zerbitzua hastearekin batera. Irailaren lehenengo bi asteei dagokienez, metroak zerbitzua bikoiztuko du eguerdira arte, abuztuarekin alderatuta. Goizeko 07:00etatik 15:30era bitartean, 6 minuturik behin ibiliko dira trenak Bidezabal eta Santurtziraino; eta 3 minuturik behin adar nagusian, San Inazio eta Etxebarri artean. Arratsaldean, alde bietako maiztasuna 10 minutukoa izango da, eta Etxebarri eta San Inazio artekoa 5 minutukoa. Argazkian, metro geltoki bat bidaiariz gainezka, aurreko batean.
Garraio enpresako arduradunek azaldu dutenez, ordutegi berriak oporraldia amaitzearen ondoriozkoak dira: "ohiturak aldatzen ditugu, lanaldi trinkoak amaitzen dira eta eskola jarduera hasten da, besteak beste. Metroa gizartearen aldaketetara egokitzen da", azaldu dutenez. Halaber, irailaren lau ostiraletako gauetan metroa zabalik jarraituko duela gogorarazi die bezeroei Metro Bilbaok. Egun horietan 24 orduko etengabeko zerbitzua emango da, urte osoko larunbatetan bezala. Izan ere, oraindik baitaude herrietako jaiak metroaren eremuan, esaterako Urdulizen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun