Getxo Antzoki berriaren proiektuari dagozkion maketa eta irudien erakusketa lekuz aldatu dute. Gaurtik zehaztu gabeko egunera arte, Villamonte kaleko kultur etxean izango da, Algortan bertan, udal iturriek zehaztu dutenez. Honako ordutegi hauetan ikusi ahal izango da: irailaren 13ra arte, 8:00etatik 14:30era, astelehenetik ostiralera; 9:15etik 13:00etara eta 16:15etik 20:00etara, larunbatetan; eta arratsaldez bakarrik, igandetan. Bestalde, hilaren 14tik 28ra, 8:00etatik 14:30era eta 16:00etatik 22:00etara egongo da ikusgai, astelehenetik ostiralera; eta 9:00etatik 13:00etara, larunbatetan. Azkenik, irailaren 29tik aurrera, 9:00etatik 14:00etara eta 16:00etatik 22:00etara jarri dute ordutegia, astelehenetik ostiralera; eta 9:00etatik 13:00etara larunbatetan. Abuztuaren 11n hasi ziren Getxo Antzoki berria eraikitzeko lanak. Argazkian, martxoaren 27tik abuztuaren 28ra arte, Algortako udal azokan egon da ikusgai erakusketa. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun