Mauvais Sort taldeari dagokionez, zaila da bere estiloa definitzea, baina beren belaunaldian berezia eta berezkoa da: Folk'n' Roll delakoa hain zuzen. Letra tradizionalak eta konposizio musikal garaikideak edo folk erritmo zaharren gaineko historia originalekin bateratzen. Estilo horren bidez, taldeak balio gabe uzten du Quebeceko musika tradizionalaz izan litekeen edozein aurre-ideia. Azkenik, La Banda del Pepo taldea Murtzian sortu zen, duela 10 urte, eta joera eta kezka ezberdinak dituzten musikariak batzen ditu. Orain, Itzubaltzetara datoz, beren bigarren lanarekin: “Tanto por hacer”. Bertan, taldeak soinu mediterraneoen fusio zoragarria egiten du, hiriko aromaz eta kritika sozialaz blai.
Bestelako jarduerak
Ohi denez, kontzertuak ez ezik, Folk Getxo BBK jaialdian jendeak Bidezko Merkatua ere bisitatu ahal izango du. Bidezko Merkatua Iparraren eta Hegoaren arteko bidezko merkataritza sustatzen duen ekimena da, zenbait GKErekin batera antolatzen dena. Bestalde, hainbat herrialdetako artisautzako produktuak Munduko Merkatura itzuliko dira, Koan elkartearen lanari esker. Halaber, aurten ere beste kultura eta herrialde batzuetako gastronomia ere dastatzeko beta izango dugu Munduko Terrazan, Euskadiko Munduko Medikuak erakundearen eskutik. Horiez gain, kale-banden desfileak egongo dira. Aurten Ipar-Irlandako Upper Crossgare Pipe Band, Holandako Trumpetterkorps Alkmaar eta Italiako Sbandieratori e Musici Citta de Floridia taldeak jardungo dira kalejiretan.
Quebeceko tradiziozko musika izango da erabateko protagonista bihar, irailak 4, ostiralean, Getxoko 25. Nazioarteko Folk Jaialdian. 21:30etik aurrera, La Bottine Souriante taldeak bertoko doinuez beteko du Areetako Xake plazako karpa eta Mauvais Sort seikoteak jarraipena emango die Itzubaltzeta / Romoko Santa Eugenia plazan, 23:15ean. Murtziako La Banda del Pepo taldeak osatuko du eguneko egitaraua, 19:00etan, Santa Eugenian. La Bottine Souriante ekarpen handia egin dio 1976tik aurrera Quebeceko ondare musikalari. Musika mota hori Frantzia, Ingalaterra, Irlanda eta Eskoziako musika folkaren nahasketa eta eboluzioa, denboran zehar Quebeceko hainbat eskualdetako kolore eta erritmo bereziekin kutsatu dena. Bere jarduera hasi zenetik, taldeak soinu berezia eta propioa garatu du eta tradizioa jazz, salsa eta folkarekin batu du maisutasunez hamaika diskotan. Argazkian, Quebeceko La Bottine Souriante taldea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun