Lehenengo lapurreta iazko ekainean gertatu zen Algortako Sarrikobaso kaleko BBVAren sukurtsal batean. Lapurrak bisera bat eta aurpegian buff bat zeraman. Banku-bulegoan bat-batean sartu zen eta suzko arma batekin (pistola kromatua) langileak mehatxatu zituen. 4.000 euro harrapatu zituen eta ondoren sukurtsalaren aurrean aparkatu zuen Opel Astra batean ihes egin zuen.
Larderiaz egindako bigarren lapurreta aurtengo otsailean izan zen Caja Laboralaren Mungiako sukurtsal batean. Modu berdinean jantzita sartu zen eta ezaugarri berdintsuetako pistola batekin kanoia langileengana zuzendu zuen. Gutxi gorabehera 7.000 euro ostu zituen. Hirugarren lapurreta Algortako Amesti kalean gertatu da aurten, abuztuaren 6an, Caja Laboralaren beste sukurtsal batean. Oraingo honetan eta "modus operandi" berbera erabiliz, lapurretaren egilea sukurtsalera sartu zen. Lapurrak bezeroak eta langileak zilar-koloreko pistola batekin beldurtu zituen. Bankuko kutxa gotorrak zabaltze-atzeratu segurtasun sistema zuenez, gaizkileak txanponetan 4.000 euro ostea eragin zuen. Horietatik lau mila 10 zentimokoak ziren. Harrapatutako dirua lekuz aldatzeko langileetako bat kotxeraino diruz betetako zakuak garraiatzera derrigortu zuen.
Miaketa Larrabasterran
Atzo (osteguna) atxilotuak erabiltzen zuen trastelekua miatu zuten, Larrabasterrako Gatzarrine kalean. Polizia iturrien hitzetan, arma eta ustez egileak erabiltzen zituen jantziak aurkitu zituzten bertan: imitaziozko pistola kromatu bat, buff bat, artilezko txano bat eta bisera bat. Lapurreten lekukoek gauza horiek identifikatu zituzten. Gainera, lapurrak bere Opel Astran jartzen zituen ostutako matrikulak aurkitu zituzten. Matrikula horiek iaz Barakaldoko merkataritza-gune bateko aparkalekuan lapurtu ei zituen, lehen lapurreta gertatu zen egun berberean. Beharrezkoak diren izapideak egin eta gero atxilotua epailaren esku utzi dute gaur.
Algortan gertatutako bi banku lapurreten ustezko egilea atxilotu dute
2009ko ira. 4a, 19:22
Ertzaintzak Bizkaiko hiru banku-sukurtsaletan egindako arma bidezko lapurreten ustezko egilea atxilotu zuten asteazkenean Getxo udalerrian. Hain zuzen ere, 2008ko ekainean eta aurtengo abuztuan Algortan gertatutako bi atrakuren egilea izatea leporatzen diote aurrekari penalik gabeko 31 urteko gizonezkoari; baita Mungian aurtengo otsailean larderiaz egindako lapurretarena ere. Eusko Jaurlaritzaren Herrizaingo Sailaren arabera, gaizkileak "modus operandi" berbera erabiltzen zuen: bere aurpegia buff batekin estaltzen zuen eta txano edo bisera bat janzten zuen. Sukurtsalak pistola simulatu batekin lapurtzen zituen, horren kanoia langileengana zuzenduz. Ertzaintzak jasotako salaketatik abiatuz, ikerketa bat ireki zuten. Horretan, Getxoko Udaltzaingoak parte hartu zuen. Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun