Irailak 6, igandea
“Plentzia Hiribildua” Rally Ibilgailu Klasikoen Topaketa
10:00 Parte hartzaileei harrera.
11:30 Autoren bilaldia.
12:00 Ibilgailuen erakusketa.
12:30 Jose Luis Etxaberi omenaldia. Diploma eta oparien banaketa.
13:00 Luncha.
14:00 Topaketaren bukaera.
Antolintxu eta Madalentxuri ostegunean agur egin zieten arren, oraindik ekitaldirik badago Plentzian. Gaur bertan, itsas zabaleko arrainketa (kazako arrantza) txapelketa, pintura lehiaketa eta motorzaleen topaketa egingo dituzte. Biharko, berriz, rallya antolatu dute Plentzia Classic elkarteko kideek euren lagun Jose Luis Etxaberi omenaldia egiteko, "bere ibilbide pertsonala zein kirol arlokoa aintzatesteko asmoz. Horrenbestez, 25 auto-gidarik parte hartuko dute ibilaldian, 11:30ean Eleiz plazatik abiatuta. Besteak beste, Urduliz, Butroe, Andraka gaina eta Gorliz zeharkatuko dituzte kotxeek, 12:00ak aldera irtendako lekuan izateko. Horretaz gain, rally auto klasikoen erakusketa (Seat 600, Mini 1400, Bmw 2002 eta Simca Rally III bana, eta Porsche bi -911 SC eta 944 turbo-, besteak beste), diploma eta oparien banaketa, eta luncha egongo dira. Argazkian, urtean behin antzinako ibilgailuen topaketa antolatzen du Plentzia Classic elkarteak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun