Zentzu honetan, ez da kasualitatea gazteon sarea estatuaren jo puntuan egotea, eta joan den uztailaren 30ean eraso berria pairatu genuen. Guardia zibilak 3 lagun atxilotu eta Gaztesareak martin ugalde kultur parkean duen egoitza miatu zuen. Hilabete pasa da, eta oraingoan 9 lagun deitu dituzte Espainiako audientzia nazionalean deklaratzera. Hau guztia salatzeko bildu gara hemen.
Txosten polizialek, epaileek eta hedabide kriminalizatzaileek nahi dutena esango dute. Tamalez ondo dakigu zertara datozen herri honetan horiek denak. Euskal gazteria konprometitu eta inkonformista paretik kendu nahi dute, gure lana jendartearen begietan kriminalizatu eta geldiarazteko. Kasu honetan, aitzakiak aitzakia, Gaztesarea gazte mugimenduaren bozgorailua izateagatik izaten ari da kolpatua.
Baina gazteon sareak ez dituzte geldituko. Ez gaituzte isilduko. Sistema kapitalista patriarkarraren zapalkuntzen aurrean, alternatibak eraikitzen jarraituko dugu, gure eskubideak, gogoak zein ametsak ozen aldarrikatuz.
Sistemaren eta errepresioaren aurrean, gazte mugimendua aurrera! Ez gaituzte isilduko!
Donostiako Letamanen, 2009ko irailaren 5ean Euskal Herriko gazte mugimenduko eragile zein kideak.
Gazte mugimendua: "Sistemaren eta errepresioaren aurrean, gazte mugimendua aurrera! Ez gaituzte isilduko!"
Duela hainbat hilabete, Euskal Herriko gazte mugimenduak bere burua indartzeko dinamika abiarazi zuen toki honetan bertan. Sistema eta jendarte eredu kapitalista eta patriarkarraren aurrean gazteok hordagoa botatzeko erabakia hartu genuen, jasaten dugun zapalkuntzari aurre egin eta elkarlana oinarri, gure joko arauak guk eraikitzeko. Bide honetan, funtsezkoa izan da gazteon atariak jokatzen duen papera. Gaztesarea Euskal Herriko gazte mugimenduaren ahotsa eta bilgunea da; sistema kapitalista patriarkalaren aurka dauden euskal gazte guztien aterkia, ahotsik gabekoen bozgorailua; mass media handi eta maneiatzaileen aurrean errealitatea herritik eta gazte ikuspegiaz lau haizeetara zabaltzen duen komunikazio proiektua da Gaztesarea. Gure herrian aldaketa sozialerako beharrezkoa den tresna: eztabaidagune eta borroka ezberdinen topaleku. Argazkian, atzo egin zuten agerraldia Donostiako Intxaurrondo auzoko Letaman gaztetxean / Gaztesarea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun