Kalebambalina izeneko kale antzerki, zirku eta animazio festibala irailaren 18tik 20ra bitartean izango da Sopelan. Ostiralean, Hortzmugak “Olympicas 2012” ikuskizuna eskainiko du, 19:30etik aurrera. 22:00etan, berriz, Solo Manoloren txanda izango da “Locomotivo” ikuskizunarekin. Larunbatean, Malas Compañias taldeak “Ukele jauna” antzeztuko du, 18:00etatik aurrera. Halaber, El Negro y El Flaco taldeak “Alquimia” eskainiko du, 19:30ean. Bestalde, Circulation Locale-ren “Trampoline Mission 3” emanaldia hartuko du, 22:30ean, Sopelak. Eta gauerdian, Organic-ek “Malditas” interpretatuko du. Amaitzeko, igandean, Teatro Salitrek “On egin mon amour” lana eskainiko du, 18:30etik aurrera. Eta Mumussic Circus taldeak itxiko du Kalebambalina 2009, 19:30ean “Merci Bien” obrarekin. Ikuskizun guztiak udaletxe inguruetan izango dira, Organic taldearena (larunbatean, gauerdian) kenduta. Azken hori Iturrieta parkean izango da. Argazkian, Malas Compañias taldearen “Ukele jauna” kale antzezlana.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun