Azaroan hasiko da Egunkariaren kontrako epaiketa
2009ko ira. 9a, 22:36
"Euskaldunon Egunkaria"-ren itxierari buruzko epaiketa azaroaren hasieran izango da, Espainiako Auzitegi Nazionalaren inguruko iturriak aipatuz, Euskadi Irratiak zabaldu duenez. Defentsak eta fiskalak auzia behin betiko ixtea eskatu zuten, epaileak epaiketa egitea erabaki zuen uztaila amaieran, eta gaur jakin da epaiketa hori azaroa aldera hasiko egingo dela. Xabier Oleaga Erandioko semea, Martxelo Otamendi, Iñaki Uria, Txema Auzmendi eta Joan Mari Torrealdai epaituko dituzte auzi honen barruan. AVTk 14na urteko zigorra eskatzen du bost akusatuentzat. Epaiketa azaroan hasiko da, beraz, eta hortik atera daitekeen ondorioetako bat da Udalbiltzaren aurkako epaiketa atzeratu egingo dela, ez delako posible denbora aldetik, egunkariarena azaroan hastea eta Udalbiltzarena iragarritako epean, lehen aipatu irrati kateak adierazi duenez. Argazkian, Xabier Oleaga / Egunkariaren alde elkartea.2003ko otsailaren 20an itxi zuen "Euskaldunon Egunkaria" Guardia Zibilak, Juan del Olmo epailearen aginduz. Bost atxilotuk torturak eta tratu txarrak jaso zituztela salatu zuten, baina salaketak artxibatuta daude.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun