Astelehen honetan, irailak 14, %14 areagotuko du garraio kopurua Metro Bilbao enpresak, neguko ordutegira itzuliz. Eguneko ehun tren gehiago ibiliko dira. Astelehenetik ostegunera, guztira 660 bidai egingo dituzte egunero, eta ostiraletan, 686. Ordutegi berria urte bukaerara arte egongo da indarrean. Hala ere, irailean oraindik gaur osoan ibiliko dira metroak ostiralean, garraio konpainiak zehaztu duenez. Urritik aurrera, baina, goizaldeko ordu biak arte. Gauzak horrela, abenduaren 31ra bitartean, San Inazio eta Etxebarri artean 2,5 minutuko maiztasuna eta itsasadarraren eskuin eta ezkerretako adarretan 5 minutukoak (goizteko 7:30 10:00 h gutxi gorabehera) berreskuratuko ditu metroak. Ondoren, 20:30ak arte edo, 3 eta 6 minutukoak izango dira maiztasunak, etengabe. Plentziarako maiztasuna 18 edo 20 minutukoa izango da astegun eta ordu tarteen arabera. Argazkian, besteak beste, Irlandako gaiteroak ikusteko aukera egon da uda bukaeran metroan / © Metro Bilbao.
Neguko ordutegi berriarekin, urtearen amaierara arte indarrean, oporretako etenaren ostean ohiko bizimodura itzuli den jendearen eskarira egokitu nahi du eskaintza metroak, astean guztira 524 zirkulazio gehiago sartuz. Denera, metroak 4.225 zerbitzu antolatuko ditu astelehenetik ostiralera. Gaueko zerbitzuari dagokionez, metroa gau osoan ibiliko da larunbatetan, 15 minutuko maiztasunarekin enborrean; eta 30 minutukoa bi adarretan. Ostiraletan, berriz, hiri trenak zerbitzu etengabea emango du irailaren amaierara arte. Urtero bezala, urritik aurrera ostiraletako zerbitzua goizaldeko ordu biak aldera amaituko da. Metro Bilbaok informazioko foiletoak argitaratu ditu guzti horren berri emanez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun