Gaur zendu da 65 urte zituela Javier Caño Moreno EAko kide historikoetakoa eta eusko legebiltzarkide izandakoa. Barakaldon sortu zen, 1943an; baina Areetan bizi zen. Hain zuzen ere, aipatu auzo getxoztarrean egingo dute ostiral honetan, irailak 11, haren aldeko hileta elizkizuna, 19:00etatik aurrera, Mesedeetako Ama elizan. 1979-1980an Euskal Kontseilu Nagusiko idazkaria izan zen Caño, eta 1980-1985ean Eusko Jaurlaritzan hartu zuen parte, Lehendakaritza eta Lan sailetan, lehendakari Carlos Garaikoetxea zela, EAJko kide gisa. Gero EAra pasatu zen. 1986-1990 artean Eusko Legebiltzarreko parlamentari izan zen eta 1991n Justizia kontseilari izendatu zuten. Zuzenbidea ikasi zuen, eta 1997-1999 artean Deustuko Unibertsitateko dekanoa izan zen Zuzenbide Fakultatean. Hainbat lan idatzitakoa da foruez eta eskubide historikoez; adibidez, "Nacionalismo, autodeterminacion e independencia". Argazkian, 2006an EAko Alkartasuna Fundazioko lehendakari izendatu zuten eta hainbat jardunaldi aurkeztu zituen bertan Araba, Bizkaia eta Gipuzkoako lehendakari izandako Carlos Garaikoetxearekin batera / © Alkartasuna Fundazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun