Bulegoak administrazio-lanak egingo ditu, esaterako, EHUk eskaintzen dituen ikasketak garatu eta hedatzeko nahiz bere programetan matrikulatutako ikasleei laguntzeko lanak egingo ditu; datu-base bibliografiko bat sortuko du, unibertsitateon sareak emandako master eta doktorego guztiek erabiltzeko eta, azkenik, ikerlanen argitalpena sustatuko du. Bestalde, doktoregaientzat interesekoak diren gai zehatzei buruzko mintegi eta bilerak antolatuko dituzte. Halaber, bi urterik behin biltzar bat zuzenduko du sareko jarduerak eta emaitzak aurkezteko. Bulegoaren egoitza Santo Domingoko Unibertsitate Autonomoan kokatua dago. Unibertsitate hori 1538an jaio zen Santo Tomas de Aquino izenarekin eta kontinente amerikarreko lehenengo unibertsitatetzat jotzen da. Bulegoaren burua Francisco Javier Caballero zuzendari zientifikoa izango da, EHUko katedraduna ere badena.
Dominikar Errepublikako presidentearekin bilduta
Errektorego-taldeak Hego Amerikako herrialde horretatik egiten ari den bisitaldiaren esparruan, Iñaki Goirizelaiak Dominikar Errepublikako presidentearekin, Leonel Fernandezekin, biltzeko aukera izan zuen Casa Trujillon. Topaketan zehar, honakoak landu zituzten besteak beste: Euskal Herriko Unibertsitatearen eta Dominikar Errepublikaren artean hurrengo urteetan egingo diren proiektu akademikoak eta euren arteko lankidetza bide ezberdinak.
Era berean, atzo, EHUko errektorea eta UASDko errektorea aurrean zirela, 30 ikasleei ikasketa aurreratuen diploma eman zitzaien Zuzenbidea eta Ekonomia bezalako espezialitateetan . Ikasle hauek UPV/EHUrekin Dominikar Errepublikan ari dira euren doktorego-tesiak egiten. Diploma honek ikertzeko gaitasuna eta doktoregoko ikasleak jakintza-arlo zehatz batean burutu duen lana egiaztatzen ditu.
EHUk Latinoamerikan eskaintzen dituen ikasketen garapena eta hedapena hobetzeko baliagarria izan nahi duen bulegoa inauguratu dute gaur, Dominikar Errepublikako hiriburuan, Iñaki Goirizelaia EHUko errektoreak, Franklin Garcia Fermin Santo Domingoko Unibertsitate Autonomoko (UASD) buruak, Carmen Gonzalez Murua Akademia Antolakuntzako errektoreordeak, eta Francisco Javier Caballero Bulegoko zuzendari zientifikoak. Santo Domingoko Unibertsitate Autonomoan bertan izan da ekitaldia. EHUko iturriek azaldu dutenez, bi faktorek eragin dute bulego hori sortzea: batetik, Latinoamerikan doktoregoek, masterrek eta oro har graduondokoek duten garrantzi gero eta handiagoa; eta, bestetik, unibertsitate ezberdinek erakutsi duten interesa EHUk eskaintzen dituen programak jasotzeko. 2007an Santo Domingon sinatu zen asmoen protokoloan eta 2008an, “Doktoregoen Latinoamerikako Sarea” izenekoaren esparruan, sinatutako aldebiko hitzarmenean aurrerapauso bat da bulegoa. Modu horretan, EHUk Latinoamerikan irakasten dituen graduondoko ikasketak koordinatu eta nazioartean hedatzea posible egingo duten instalakuntzak ezarriko dira, arreta zuzenago eta pertsonalizatuago bat lortze aldera. “Doktoregoen Latinoamerikako Sarea” deiturikoan, Santo Domingoko Unibertsitateaz gain, beste herrialde hauetakoak ere parte hartzen dute: Mexiko, Puerto Rico, Brasil, Peru, Chile, Kolonbia edo Ekuador. Argazkian, bidaian joan aurretik, astelehenean, Arantza Quiroga Eusko Legebiltzarreko presidentearekin bildu zen Goirizelaia / © EHU.es.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun