Mankomunitatea osatzen duten hainbat herrietako elkarte eta pertsonen laguntzaz osatu dute Uribe Kostako Mugikortasun Plana. Hain zuzen ere, Europako Mugikortasun Iraunkorraren Astean aurkeztuko dizkiete herritarrei lan horren emaitzak eta proposamenak, udalerri ezberdinetan egingo diren foroen bitartez. Mugikortasun Plana aurkeztu ostean, euren ekarpenak egiteko aukera edukiko dute parte-hartzaileek eta horrela Mugikortasun Planari azken ukituak eman. Besteak beste, ondoko gaiei buruz ariko dira: zure herritik oinez eta bizikletan modu erosoan eta seguruan ibiltzea, bus eta metroko konexioak hobetzea Bilbo eta beste herriekin, auzo eta kaleen izaera publikoa berreskuratzea, errepide eta bideen segurtasuna hobetzea... Foroak ondoko egun eta tokietan izango dira.
- Barrika: irailaren 15ean, asteartea, 19:00etan, udaletxean.
- Berango: irailaren 16an, asteazkena, 19:00etan, Berangoetako kultur etxean.
- Sopela: irailaren 17an, osteguna, 19:00etan, udaletxean.
- Plentzia: irailaren 21ean, astelehena, 19:00etan, Goñi Portal kultur aretoan.
- Urduliz: irailaren 22an, asteartea, 19:00etan, kultur etxean.
- Gorliz: irailaren 23an, asteazkena, 19:00etan, udaletxean.
- Lemoiz: irailaren 24ean, osteguna, 19:00etan, udaletxean.
Era ekonomikoan gidatu
Irailaren 25ean (16:00etatik 20:00etara) eta 26an (10:00etatik 14:00etara) EAEko Energiaren Euskal Erakundeak (EEE) sustatutako "era ekonomikoan gidatzeko" ikastaroa emango dute, Uribe Kostako Mankomunitatearen ekimenez, aipatu erakundeak Larrabasterrako Gatzarriñe kalean daukan bulegoan. Modu merkean edo ekonomikoan gidatzen ikastea helburu duten ikastaro hauek izaera teoriko-praktikoa dute eta iraupena lau ordukoa da. Haiei esker, erregaiaren kontsumoa eta CO2aren isurketak %15 inguru gutxitzea lortuko da. Ikastaroa, funtsean, ibilbide bat egitean datza eta ikasleak gidatzeko modua, abiadura eta energia-kontsumoa aztertzean. Horren ostean, eraginkortasunez gidatzeko azalpen teorikoak ematen dira; gero, berriro lehengo ibilbide bera egiten da, jasotako azalpen teorikoak praktikan jarriz. Azkenik, ibilbide bietan kontsumitzen den energia eta batez besteko abiadura alderatzen dira. Tokiak mugatuak dira. Beraz, aurretik eman beharko da izena, telefonoz (946 762 674) edo e-postaz (agenda21[abildua]uribekosta.org).
Bizikletan zaintzen ikasi
Bizikletan ibiltzen ikasi nahi dutenek irailaren 16tik 22ra arte edukiko dute horretarako aukera, Sopelako Zipiriñe ikastetxean, 16:00etatik 18:00etara. Tokiak mugatuak dira. Beraz, aurretik eman beharko da izena, telefonoz (946 762 674) edo e-postaz (agenda21[abildua]uribekosta.org). Beharrezkoa izango da 18 urtetik gora izatea. Bestalde, ondoko egun eta tokietan emango dituzte bizikleta zaintzen ikasteko tailerra:
- Plentzia: irailaren 16an, asteazkena, 19:00etatik 20:30era, Udaletxeko plazan.
- Barrika: irailaren 17an, osteguna, 19:00etatik 20:30era, Udaletxeko plazan.
- Gorliz: irailaren 18an, ostirala, 19:00etatik 20:30era, Udaletxeko plazan.
- Berango: irailaren 19an, larunbata, 19:00etatik 20:30era, Santo Domingo eskolan.
- Sopela: irailaren 20an, igandea, 12:00etatik 13:30era, Udaletxeko plazan.
- Urduliz: irailaren 21ean, astelehena, 19:00etatik 20:30era, Udaletxeko plazan.
- Lemoiz: irailaren 22an, asteartea, 19:00etatik 20:30era, Udaletxeko plazan.
Bizikleta izango du ardatz Mankomunitateak antolatutako Mugikortasun Asteak
2009ko ira. 12a, 20:55
Irailaren 16an hasiko da Europako Mugikortasun Iraunkorraren Astea. Gauzak horrela, Uribe Kostako Zerbitzu Mankomunitateak zenbait ekintza antolatu ditu mugikortasun iraunkorra sustatu eta Bizimeta bizikleta garraio sistema iraunkorra bultzatzeko. Bizikleta bera izango da aste horretako ardatz nagusia, tokiko iturriek zehaztu dutenez. Berau zaintzeko tailerra, ibiltzen ikastekoa (18 urtetik gorakoentzat) eta, asteari amaiera emateko, Uribe Kostako lehen bizikleta martxa antolatu dute. Irailaren 26an, larunbata, izango da. 11:00etan Berangoko Moreaga parketik abiatuko dira, Sopela igaro eta Urdulizera heldu ostean, bueltako bidaia egiteko. Tokiak mugatuak dira. Beraz, aurretik eman beharko da izena, telefonoz (946 762 674) edo e-postaz (agenda21[abildua]uribekosta.org). Horrez gain, era ekonomikoan gidatzeko ikastaroak ere egongo dira eta, era berean, Uribe Kostako Mugikortasun Planaren aurkezpena egingo da udalerri bakoitzean antolatu diren foroetan. Jarduera guztiak doakoak dira. Bestalde, herri eskoletan ere mugikortasun iraunkorraren ezagutza bultzatzen ari dira, jolasen bitartez. Argazkian, bizikleta elektrikoak maileguan hartzeko zerbitzua da Bizimeta / Uribekosta.org.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun