Ikastaroak Getxon bertan izango dira, euskaraz, eta gainera agiria lortzen dutenek diru laguntza eskatzeko aukera edukiko dute. Hain zuzen ere, ikastaroa amaitu eta agiria lortzen duten gazteei Udalak matrikularen %50a itzuliko die, udalerriko astialdi talde bateko partaide izanez gero edota Getxon erroldatuta egonez gero. Gainera, neska-mutilek elkarteetan sartzeko aukera edukiko dute; baita diru apur bat irabazteko ere.
Begirale ikastaroa
Bi urtetan, urritik maiatzera arteko zenbait asteburutan egiten den begirale ikastaroak 200 ordu teoriko eta 120 ordu praktiko ditu. Azken horiek Getxoko astialdi talderen batean. Baldintza 18 urte izatea edo 2009ko abendua baino lehen betetzea dira. Ikastaroaren salneurria 155 eurokoa da (130 euro Amarauna Sareko elkarteko kideentzat).
Zuzendari ikastaroa
Ikastaroak 100 ordu teoriko-praktiko eta 120 ordu praktiko ditu eta baldintzak 21 urtetik gora izatea edo matrikulazio urte barruan adin hori betetzea eta begirale agiri ofizialaren jabe izatea dira. Prezioa 160 eurokoa da.
Astialdiko begirale eta zuzendari ikastaroak antolatu ditu aurten ere Bizarra Lepoanek
Bizarra Lepoan euskara elkarteak astialdiko begirale eta zuzendari agiria lortzeko ikastaroak antolatu ditu berriro, Getxoko Udaleko Euskara Zerbitzuaren laguntzaz. Izena emateko epea irailaren 30era arte egongo da zabalik, 9:30etik 13:30era bitartean. Horretarako, Bizarra Lepoanen egoitzara jo behar dute gazte interesatuek, Algortako Karitate kaleko 1 zenbakian. Informazio gehiago lortzeko 944 914 357 telefono zenbakira, bizarralepoan@euskalnet.net eta www.blogari.net/bl helbideetara jo dezakete. Ekimena 2004an jarri zen martxan eta ordutik hona 136 gaztek egin dute ikastaroa. Orain arte 83k lortu dute titulazioa (Eusko Jaurlaritzaren titulu ofiziala) eta beste 27 bidean daude. Gazte horietako asko begirale lanak egiten dabiltza Getxo udalerriko elkarteetan. Argazkian, begirale bat Bapiruken izena emandako umeak zaintzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun