Herrizaingo Sailaren arabera, gaur arratsaldetik aurrera Europatik datorren goi-geruzetako depresio isolatua delako fenomenoa hurbilduko da gure lurraldera (behinola 'tanta hotza' deiturikoa, izendapen hau meteorologoen artean orain erabiltzen ez den arren). Adituen esanetan, litekeena da aire masa hotz hori Penintsulako ipar-ekialdera mugitzea eta Eusko Autonomi Erkidego gainetik asteazkenean igarotzea. Dena dela, ostegun eguerditik aurrera, bueltako bidea egin dezake, berriz zaparradak eta ekaitzak gurera ekarrita.
Hori horrela, bi muturreko egoera egongo dira: bata astearte arratsaldetik asteazken eguerdira doan tartean eta bestea ostegun eguerditik aurrera. Asteartetik asteazkenera doazen orduetan zaparrada bortitz eta ugariak espero dira Kantaurialdean, baina batez ere mendebaldean (Bizkaian). Ostegun eguerditik aurrera beste enbata bat aurreikusi dute meteorologoek, depresioa gure lurraldera itzuliko baita. Orduan zaparrada mardulak espero dira, bereziki barnealdean.
Metro koadroko 20-40 litro artean
Tankera honetako depresioen mugimenduak iragartzeko zailak dira, baina hori gorabehera, euripean igaroko ditugu datozen lau egunak. Herrizaingo Sailaren datuen arabera, asteartetik asteazkenera doan tartean metro koadroko 20-40 litro artean espero dira Bizkaiko kostaldean eta 10-30 artean ostegun arratsaldean eta barnealdean batez ere.
Aurrez, goizean, abisu horia ezarri du Euskalmeten. Ordu betean 15 litro baino gehiago pilatzeari dagokio abisua. Gaurko, astearteko, 18:00etatik biharko, asteazkeneko, 18:00etara arte egongo da indarrean. Euri gehien Kantaurialdean egingo du, bereziki mendebaldean (Bizkaian). Horrez gain, beste abisu bat eman dute, 24 ordutan metro koadroko 60 litro pilatu daitezkeelako, baina probabilitate hori txikiagoa da.
Eusko Jaurlaritzako Herrizaingo Sailak alerta ezarri du Araba, Bizkaia eta Gipuzkoan, gaur arratsaldetik aurrera, zaparrada eta ekaitz gogorrak izango daitezkeelako. Okerrena, asteartetik asteazkenerako tartean eta ostegunean izan daitekeela adierazi dute. Aurrez, goizean, abisu horia ezarri du Euskalmetek. Ordu betean 15 litro baino gehiago pilatzeari dagokio abisua. Gaurko, astearteko, 18:00etatik biharko, asteazkeneko, 18:00etara arte egongo da indarrean. Euri gehien Kantaurialdean egingo du, bereziki mendebaldean, Bizkaian alegia. Herrizango Sailaren datuen arabera, asteartetik asteazkenera doan tartean metro koadroko 20-40 litro artean espero dira kostalde bizkaitarrean eta 10-30 artean ostegun arratsaldean eta barnealdean batez ere. Horrez gain, beste abisu bat eman dute, 24 ordutan metro koadroko 60 litro pilatu daitezkeelako, baina probabilitate hori txikiagoa da, Gasteizko Gobernuko arduradunen hitzetan. Argazkian, zaparradak dauden bakoitzean, Gobela errekaren egoerari adi egoten dira inguruko bizilagunak, uholdeen beldur.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun