Bestalde, ostegun honetan (hilak 17) hasita, munduko musika tresnak egongo dira ikusgai, azaroaren 11ra bitartean, Kultur Leioan. Erakusketa Luis Perezen bilduma partikularretako musika tresnek osatzen dute. Tokioko iturriek adierazi dutenez, "denboraren poderioz, musika-tresnen formak liraindu egin dira edertasunari bidea emanez, gero eta material hobeak erabili dituzte, tokian tokiko baliabideen arabera, eta jotzeko moduak ere etengabe hobetu dira, zenbatek birtuosismoa ere erdietsi duela. Izan ere, "artisten eskuetan, musika-tresnak bidelagun izaten ditugu otoitzean, maitasunean, gerretan, jaietan, jaiotzan eta heriotzan; hitz batean, bizitzako funtsezko uneetan", gaineratu dutenez. Astelehenetik ostiralera, 10:00etatik 20:00etara egongo dira ikusgai musika tresnak, etengabeko ordutegian. Larunbat, igande eta jaiegunetan, berriz, 11:00etatik 14:00etara, goizez, eta 17:00etatik 20:00etara, arratsaldez.
Musikale Erandion:
Irailak 18, ostirala
Erandio Landa. Ibilbidea: Euskadi plaza, Goikoko San Jose, Ibañez de Betolaza eta Elexalde.
19:00 La Zikabilo (Kuba-Frantzia).
Lutxana. Ibilbidea: San Jose auzotik.
20:00 Fanfare A la Gueule du Ch’val (Frantzia)
Irailak 19, larunbata
Altzaga. Ibilbidea: kiroldegia, Tartanga, metroa, Geltoki Etorbidea, Jado, Ibarra, Obieta eta Irailaren 23a plaza.
12:30 Taberna Ibiltaria (Euskal Herria), Le Gros Tube (Frantzia) eta La Zikabilo (Kuba-Frantzia).
19:30 Turukutupa (Euskal Herria), Magicaboola Brass Band (Italia) eta Desbundixie (Portugal).
Irailak 20, igandea
Astrabudua. Ibilbidea: Josu Murueta plaza, Bilboko Kontsulatua, Etxegorri, Lurberri, Trabudu plaza, San Lorenzo eta Jose Andres Mendiguren plaza.
12:30 Sandunga (Frantzia), L’Aile ou la Cuisse Fanfare (Frantzia) eta Redding Scottish Pipe Band (Eskozia).
18:00 Fanfare A la Gueule du Ch’val (Frantzia), Combo Express Band (Errioxa, Espainia) eta Trio Chikiboom (Katalunia-Kanada-Frantzia).
Musikale Leioan:
A ibilbidea: Kultur Leioa, Jose Ramon Aketxe plaza, Estartetxe, Iparragirre eta Jose Ramon Aketxe plaza.
B ibilbidea: Kultur Leioa, Jose Ramon Aketxe plaza, Boulevard, Ikea Barri plaza eta Sakoneta kiroldegia.
Irailak 18, ostirala
19:30 Combo Express Band (Errioxa, Espainia) eta Taberna Ibiltaria (Euskal Herria).
Irailak 19, larunbata
12:30 Turukutupa (Euskal Herria), Magicaboola Bras Band (Italia) eta Desbundixie (Portugal).
19:30 Taberna Ibiltaria (Euskal Herria), Le Gros Tube (Frantzia) eta La Zikabilo (Kuba-Frantzia).
Irailak 20, igandea
12:30 Fanfare A la Gueule du Ch’val (Frantzia), Combo Express Band (Errioxa, Espainia) eta Trio Chikiboom (Katalunia-Kanada-Frantzia).
18:00 Sandunga (Frantzia), L’Aile ou la Cuisse Fanfare (Frantzia) eta Redding Scottish Pipe Band (Eskozia).
Basauri eta Sestaoko Udalekin batera, Erandio eta Leioako tokiko erakundeek ere parte hartzen dute Kaleko Musikarien Nazioarteko Topaketen antolaketan. Hartara, asteburu honetan, irailaren 18tik 20ra bitartean, aipatu bi udalerrietako kaleak nazioarteko erritmoez beteko dira. Musikale jaialdiaren bederatzigarren edizioan, 12 konpainiatako ia 200 musikari izango dira. Munduko hainbat lekutatik etorriko zaizkigu: Espainia, Frantzia, Portugal, Afrika, Indonesia, Alemania, Italia... Euskal Herriko ordezkarian ere izango ditugu: Taberna Ibiltaria eta Turukupa kaleko perkusio-ikuskizuna, hurrenez hurren. Horrenbestez, Leioan bi ibilbide ezberdin egingo dituzte taldeek ostiral arratsaldean zein larunbat eta igandean, egun osoan, Kultur Leioatik abiatuta. Erandion, berriz, Erandio Landa eta Lutxanatik banatuko dira ostiral arratsaldez musikariak. Eta larunbat eta igandean Altzagan eta Astrabuduan, hurrenez hurren. Argazkian, joan den asteazkenean aurkeztu zuen Musikaleren aurtengo edizioa Jon Iñaki Zarraga Bizkaiko Foru Aldundiaren Kultura zuzendariak, Loli de Juan Basauriko alkatea, Joseba Goikouria Erandioko alkatea, Eneko Arruebarrena Leioako alkatea eta Sestaoko Kultura zinegotzia bertan zeudela / © Bizkaia.net
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun