Ordainketa irailaren 21etik 24ra arte egin ahal izango da. Epe horretan, izen-emate orria, Osakidetzaren txartelaren fotokopia eta ordainagiria aurkezten ez dutenek ez dira ekintzan apuntatuta egongo, tokiko arduradunek aipatu dutenez. Prezioaren barruan, ostiraleko afaria; larunbateko gosaria, bazkaria, askaria eta afaria; eta igandeko gosaria eta bazkaria sartzen dira. Hala ere, argi ibili beharko dute izena ematen dutenek. Antolatzaileen arabera, "bajak egitekotan, izen emateagatik ordaindutako tasa ez da itzuliko ezinbesteko arrazoiak tartean ez badira (gaixotasuna, ebakuntza, istripua...), halako kasuak dokumentu bitartez frogatu beharko direlarik. Tasa horren itzulketa tramitatzeko Goñi Portaleko bulegoan aurkeztu beharko duzue eskabidea, dagokion mediku-frogagiria erantsiz".
Egitaraua:
Ostiralean, afaltzera ailegatu. Instalakuntza.
Larunbatean, “Uraren ibilbide izkutua”.
- 10:00 Irteera.
- 11:00 Kobazuloetara bisita (Mendukilo leize turistikoa).
- 13:00 Iribasko Iturburuen Naturgunea.
- 14:00 Bazkaria errekan edo Iribaseko herriko frontoian (pik-nik modukoa).
- 16:30 Astizera buelta.
- 18.00-18.30ak aldera, aterpean.
Igandean, 10:00etatik 13:00etara, saguzar tailerra (egindako egonaldiaren oroigarri modura) eta jolasak.
Eraman beharrekoak:
- Larunbaterako mokadurako zer edo zer eraman.
- Lo-zakua eta pijama.
- Mendirako botak eta arropa egokiak.
- Anoraka.
- Eguneko irteerarako motxila txikia eta kantinplora.
- Etxeko zapatilak.
- Norbera txukuntzeko gaiak..
- Toalla.
Otorduak:
- Gosaria, 9:00etan.
- Bazkaria, 13.30ean.
- Askaria, 17:30ean.
- Afaria, 20:30ean.
Haur euskaldunentzako asteburu pasa antolatu du Aralarren Plentziako Udalak
2009ko ira. 17a, 09:40
Urriaren 2tik 4rako asteburuan, 6 eta 10 urte arteko haurrentzako irteera antolatu du Plentziako Udalak. Aralarreko Ingurumen Hezkuntza Eskolara joango dira, Nafarroa Garaiko Larraun aranean dagoen Astizko aterpetxera, alegia. Horrenbestez, aipatu ostiralean abiatuko dira Charter supermerkatutik, 18:30ak aldera; eta igandean egongo dira bueltan, 16:30ean. Plentzian erroldatuta dauden neska-mutilek 85 euro ordaindu beharko dituzte eta hamar euro gehiago kanpotarrek. Tokiak mugatuak dira. Beraz, ahalik eta lasterren eman beharko da izena. Horretarako fitxak bihar (irailak 18) arte egongo dira eskuragarri Goñi Portal kultur aretoan. Ekintza aurrera eramateko, gutxienez 20 lagunek izena eman beharko dute. Antolatzaileek zehaztu dutenez, telefonoz apuntatzerik ez dago. Goñi Portalen aurkeztuta egin beharko dute asteburu pasan joan nahi dutenek. Bestalde, euskaldunak izan beharko dute parte hartu nahi duten umeek, "ekintza honen helburua astialdian euskarazko gune bat izatea baita". Argazkian, Mendukilo kobazuloa bisitatu ohi dute Astizera asteburu pasan joaten diren umeek / © Gipuzkoa.netIrakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun