![](http://farm4.static.flickr.com/3654/3598350342_8c08977e5f_m.jpg)
Jon Anza ETAko kidearen desagerpena salatu eta militantea non den galdetzeko
manifestazioa egingo dute bihar, larunbata, arratsaldeko 5etan, donostiarra azken aldiz ikusi zutenetik bost hilabete igaro direla. Hitzordua Donibane Lohitzuneko Luis XIV. plazan jarri du Amnistiaren Aldeko Mugimenduak eta horraino heltzeko Uribe Kosta eta Erandiotik autobusak jarri dituzte. Lekuak agortu arte izena eman daiteke ohiko lekuetan. Bestalde, etzi, igandearekin ospatuko den Bat Egin Egunerako ere autobusak egongo dira eskualdetik. Dena den, hasieran eskubide zibil eta politikoen aldeko jaia Altsasuko San Pedro zelaietan burutu behar bazen ere, denboralea dela eta
kokagunea aldatu da eta autobusak Lakuntzara bideratu beharko dira. Argazkian, Jon Anza non dagoen galdetzeko pasa den ekainaren 5ean Algortan egindako ekimena.